Баҳтли оила 1 Кириш

Ҳазрати Алининг хафалиги.
Ҳазрати Пайғамбар (с.а.в.) бир кун Фотима (р.а.)нинг уйига кирдилар. Ҳазрати 
Алини уйда кўрмагач:
- Амакингни ўғли қаерда? - деб сўрадилар. Фотима (р.а.):
- Орамизда бир нарса бўлган эди. Мендан хафа бўлиб ёнимда ухлашни хоҳламай 
чиқиб кетди, - дедилар. Ҳазрати Пайғамбар (с.а.в.) Саҳл ибн Саъдга:
- Али қаерда, бор қараб кел, - дедилар. У бориб келди ва:
- Эй Расулуллоҳ, у масжидда ухлаб ётибди, - деди.
Расулуллоҳ (с.а.в.) масжидга бориб, Ҳазрати Алини ён бошлаб ётган, кўйнаги бир 
томонга тушиб вужуди тупроқ бўлганини кўргач:
- Тур, эй, Абу Туроб, деб устидаги чангларни, тупроқларни қоқа бошладилар.
122

---

Ҳазрати Алини "Абу Туроб" деб чақириш унга жуда ёқар эди. Биз намунали оила 
сифатида тақдим этган ва ораларидаги муҳаббатга ҳавас қилган ва Ҳазрати Али ва 
Ҳазрати Фотима ўртасида ҳам баъзан кичик хафагарчиликлар бўлган.
Умар шундай бўлса...
Ҳазрати Умар халифалик даврида бир одам аёлидан шикоят қилиш учун унинг уйига 
келиб, эшигининг олдида чиқишини кутиб ўтирганда, ичкаридан шовқин эшитилади. 
Ҳазрати Умарнинг аёли эри халифага бақириб ётибди, лекин Умар оғзини очиб аёлига 
ҳеч нарса демасдан турибди. Буни кўрган одам бўйнини эгиб:
«Шиддатли ва қаттиққул бўлишига қарамасдан, амир ал мўъминин Умарнинг аҳволи 
шундай бўлса, менинг ҳолим қандай бўлади», деб туриб кетар экан, халифа ташқарига 
чиқади ва унинг орасидан чақириб:
- Нимага келдинг? - деб сўрайди.
- Эй мўъминларнинг амири! Аёлимнинг ёмон хулқ-атворини ва менга нисбатан 
ҳадиддан ошишини сизга шикоят қилиш учун келган эдим. Аёлингизнинг сизга 
бақирганини эшитиб айтишдан воз кечдим. Мўъминларнинг амири аёли билан шундай 
бўлса, менинг дардимга қандай даво топади?
- Дўстим! Аёлимнинг устимдаги ҳақлари туфайли сабр қиляпман. Зеро, у овқатимни 
пиширади, кийим ювади, болаларимни тарбиялайди. Ҳолбуки, у бу ишларни қилиш 
мажбуриятида эмас. Бунинг устига кўнглимни ҳаромга майл қилишига ғов бўладиган 
ҳам удир. Шу сабабли унинг жабрига ҳам чидайман.
- Эй мўъминларнинг амири! Менинг аёлим ҳам шундай.
- Бор дўстим аёлингнинг феълига сабр қил. Ҳаёт кўз очиб-юмгунча ўтиб кетади.
2. Насиҳат.
Эр-хотин орасида келишмовчиликлар туғилган пайтларда муаммоларни ечилиши 
учун Қуръони Карим тавсия этган чораларни қўллаш ўринли:
"...Бас, ибодат-тоатли ва эрлари йўқлигида Аллоҳнинг ҳифзу-ҳимояти билан
(эрларининг мол-мулкларини ва ўз иффатларини) сақловчи хотинлар - яхши 
хотунлардир. Хотинларингизнинг итоатсизлигидан қўрқсангиз, аввало уларга панд-
насиҳат қилинглар, сўнг (яъни насиҳатларингиз кор қилмаса) уларни ётоқларда тарк
123

---

қилингиз (улар билан бир жойда ётманг, яқинлашманг), сўнгра (яъни шунда ҳам 
сизларга бўйинсунмасалар) уринглар. Аммо сизларга итоат қилсалар, уларга қарши 
бошқа йўл ахтарманглар. Албатта, Аллоҳ энг юксак ва буюк зотдир" 
(Нисо сураси, 34-
оят).
Эр аёлига самимий тарзда, муҳаббат билан насиҳат қилади. Қилинган хатоларни 
мулойимлик билан айтади. ўзининг камчиликлари бўлса, тан олиб тузатишга ҳаракат 
қилади. Вазиятга қараб насиҳатнинг меъёрини белгилайди. Ақлига ва кўнглига хитоб 
қилади. Келишмовчиликни ўзлари ва болалари учун ёмон нарсаларга олиб келишини 
айтади.
3. Ётоқда ёлғиз қолдириш.
Насиҳатдан натижа бўлмаса, иккинчи босқичга ўтади. Бу аёлни ётоқда ёлғиз 
қолдириш, яъни ундан норизо бўлиш тактикасидир. Бу жазо уни ўзига келтириши 
мумкин. Лекин бу жазони узоқ муддат давом этиши маъқул эмас. Акс таъсир қилиши 
мумкин. Бу фақат уй ичида бўлади ва бошқалардан яширилади. Ҳатто болаларга ҳам 
билдирилмайди. Бу аснода аёл билан гаплашиб, пиширган нарсаси еяверади. Жинсий 
алоқадан ташқари бошқа ҳамма эҳтиёжлари қондирилади. Фақат ётоқда унда тескари 
тарзда ётилади. Ётоқхона ҳам айрилмайди.