Баҳтли оила 1 Кириш

6. Турмуш ўртоққа лоқайд бўлмаслик.
Арзирли сабабсиз эру хотин бир-бирларидан узоқ муддат ажралмасликлари керак. 
Узоқ айрилиқ аёлга жинсий томонлама зарар бўлгани учун динимиз томонидан лойиқ 
кўрилмаган.
Ҳазрати Умар кечқурун Макка кўчаларида айланиб юриб, эр соғинчи ҳақида шеър 
айтаётган бир аёлни кўрди. Эрталаб Умар бу аёлни чақиртирди ва эрининг қаерда 
эканлигини сўради. Аёл унинг аскар сифатида Ироққа юборилганини айтди. Ҳазрати 
Умар баъзи тажрибали аёлларни чақириб, бир аёл эрсиз қанча вақт чидай олишини 
сўради. Улар икки ой чидайди, уч ой бўлса сабри камаяди, тўрт ойдан ўтса сабри 
тугайди дедилар. Кейин Ҳазрати Умар аскарлик хизматини тўрт ой қилиб белгилади. 
Тўрт ой ўтгач, аскарларни оилаларига қайтариб, ўринларига бошқаларини юборди.
Ислом ҳуқуқига кўра, бир эр аёли билан яқинлашмасликка онт ичиб, тўрт ой ичида 
қайтмаса, аёл учун ажрашиш ҳаққи вужудга келади. Жаноби Ҳақ бундай ҳаракатни хуш 
кўрмаган.
Афсуски, ҳозирги кунда бегона ерларга ишлаш учун кетаётганла аёлларига лоқайд 
бўлмоқдалар. Жиддий бир сабаб бўлмагани ҳолда турмуш ўртоқларидан айрилиб, мол-
дунё топаман дея кўпгина маънавий "даромадлар"дан маҳрум бўлмоқдалар. Бунинг 
устига кўп гуноҳ қилмоқдалар.
7. Жинсий қониқишни таъминлаш.
113

---

Бир-бирларини қондира олмаган эр-хотин орасида муҳаббат бўлмайди. Шунинг учун 
эр-хотин жинсий томондан билимга эга бўлишлар керак.
Ҳазрати Пайғамбар (с.а.в.) бу борада ҳам қийматли тавсиялар беришган.
"Уч нарса ожизлик аломатидир. Булардан бири кишини гапирмасдан, қучоқлашиб 
ўпмасдан аёли ёки жорияси билан алоқа қилиши ва ишини битириб, дарҳол ўзини 
тортишидир".
"Аёлингиз билан ҳайвонлар каби жинсий алоқа қилманглар. Орада бир элчи 
бўлсин".
Элчи нима эй Расулуллоҳ? - деб сўраганларида, Расулуллоҳ: ўпиш ва гаплашишдир, 
деб жавоб бердилар.
Ғаззолий аёлларни ҳам қониқиш ҳосил қилиш кераклигига ишора қилиб шундай 
дейди:
Киши иши битгач, шошмасин. Аёлининг жинсий эҳтиёжини қондирилишига фурсат 
берсин. Чунки аёл шаҳватининг келиши кечикиши ва энг ҳаяжонли пайтда кесишиш 
мумкин. Бу вазиятда эркакни тезда туриб кетиши аёлга азият етказади ва ҳатто 
нафратга сабаб бўлади.