Азим ҳожиев ўзбек тили сўз ясалиши

Эгалик ёки эга эмаслик белгисини билдирувчи сифат
ясовчилар
Кўриниб турибдики, бу гуруҳцаги сифат ясовчилар, бир- 
бирига нисбатан, икки турга бўлинади: 1) эгалик белгисини 
билдирувчи сифат ясовчилар; 2) эга эмаслик белгисини 
билдирувчи сифат ясовчилар.
Эгалик белгисини билдирувчи сифат ясовчилар
Бу турга кирувчи сифат ясовчилар шахс ёки нарсанинг 
сўз ясалиш асосидан англашилган нарсага эгалиги, унда 
шундай нарса борлиги маъносини —шу билан характерли 
бўлган белгисини билдиради. Булар: 
-ли, -кор, -дор, сер-, -
чан, кам-
сифат ясовчиларидир.
-ли
аффикси. Бу аффикс ўзбек тилидагина эмас, бошқа 
кўпгина туркий тилларда ҳам энг кўп қўлланадиган аф- 
фикслардан бири.
Ҳозирги ўзбек адабий тили фактларининг кўрсатишича, 
-ли
аффикси икки вазифага эга: 1) сўз (сифат) ясайди, 
2) шакл ясайди.
I. 
Бу аффикс сифат ясовчи энг маҳсулдор аффикслардан 
бўлиб, асосан, от туркумига оид сўзлардан сифат ясайди. 
Ҳозирги ўзбек тилида унинг ёрдамида қуйидаги маъноли 
сифатлар ясалади:
1. 
Шахс ёки нарса-предметнинг асосдан англашилган 
нарсага эгалиги, унда шундай нарса борлиги билан боғлиқ 
бўлган белгисини билдирувчи сифатлар ясайди: 
болали
(хотин), 
бошоқли
(экин), 
думли
(қўй), 
орденли
(корхона), 
қорли
(тоғ) каби: 
Бу кекса, катта кўзойнакли одам эди, меҳмон
келганлигини эшитиб кирибди. (А. Мухтор) Ўша кўча бошидаги
нокли ҳовли Мирқобилларники. (Л. Маҳмудов) Нисо буви ҳамиша
хинали бўлган каттакон қўлини узатиб, Бобохоннинг дўмбоқ
қўлидан маҳкам ушлади. (М. Иброҳимов)
-ли
аффикси конкрет тушунча билдирувчи отлардан ҳам, 
мавҳум тушунча билдирувчи отлардан ҳам шу типдаги
112
www.ziyouz.com kutubxonasi

---

сифатлар ясай олади: 
шохли, тиканли, ярали, думли, тукли;
бахтли, зарарли, истеъдодли, ориятли, ташвииши, шуҳратли
ва б.