Atv baholash

Eskirishning har xil turlarini bevosita aniqlashning zaruriyati

Baholashga yondashuv	Eskirish darajasini to‘g‘ridan-to‘g‘ri aniqlash
	jismoniy	funksional	iqtisodiy
Qiyosiy	hamma vaqt majburiy	talab qilinmaydi	talab qilinmaydi
Xarajat	hamma vaqt majburiy	aniqlanganda majburiy	aniqlanganda majburiy
Daromad	hamma vaqt majburiy	talab qilinmaydi	talab qilinmaydi

Eskirishni aniqlash tartibini to‘g‘ri tanlash baholashda jiddiy xatolardan qochishga imkon beradi, bunda eskirishning qaysidir turi yetarlicha asoslarsiz umuman hisobga olinmaydi yoki ikki marta hisobga olinadi – bevosita va bilvosita aniqlanganda.

II-bob bo‘yicha xulosa
Ushbu bobda qurilish mashinalarini baholash uslubiyatini takomillashtirish bo‘yicha ba’zi takliflarni berdik. Xususan, qurilish mashinalari qiymatiga ta’sir etuvchi omillarni tahlil qilish orqali ularni giruhlarga ajratib, klassifikatsiyasini ishlab chiqdik (2.1-jadval). Bu klassifikatsiya baholash jarayonida qurilish mashinalari qiymatiga ta’sir ko‘rsatadigan omillarni belgilash hamda ularning qiymatga ta’sir darajasini aniqlashda baholovchiga yordam beradi.
Shuningdek, qurilish mashinalarining eskirishi uning qiymatining shakllanishiga bevosita ta’sir qiladi, shu qurilish mashinalarining barcha turdagi eskirishini aniqlash va ularning qiymatga ta’sir darajasini (qiymat jihatdan) hisoblash – baholovchining asosiy vazifalaridan biri.
Qurilish mashinalari uch xil eskirishga uchraydi:

• 
  jismoniy eskirish;
  
• 
  funksional eskirish;
  
• 
  tashqi eskirish.
  

Qurilish mashinalari doimiy ravishda ekspluatatsiya qilinganda uning jismoniy eskirishi asosan xizmat qilgan yillar va ishlagan vaqtlar (mashina-soat) ta’sirida ro‘y beradi. Shuning uchun qurilish mashinalarining jismoniy eskirishi 2.4 va 2.5-jadvallar asosida aniqlanishi tavsiya qilinadi. Ushbu jadvallarda qurilish mashinalarining asosiy ekspluatatsiya parametrlari (2.4-jadval) va jismoniy eskirishni hisoblash formulalari (2.5-jadval) keltirilgan.