Atv baholash

Qismlar nomi	Tenik ko‘rsatkichlar
Ma’lumot manbasi
Rusumi	LW300FN	Tex. pasport
Turi	Yuklagich	Tex. passport
Davlat raqami	85 DA 962	Tex. pasport
Dvigatel raqami	6P19D022156	Tex. passport
Kuzov raqami	XUG0300FCKCB07397	Tex. pasport
Shassi raqami	XUG0300FCKCB07397	Tex. passport
Rangi	Sariq	Tex. pasport
Ishlab chiqarilgan yili	2019	Tex. passport
Texnik passport raqami	AA 005095	Tex. pasport
Mulk egasi	“Xatirchi TYUFK” UK	Tex. passport
To‘la vazni (kg)	10000	Tex. pasport
Yuksiz vazni (kg)	10000	Tex. passport
Dvigatel quvvati (o.k.)	125	Tex. pasport

Baholash obyektini ko‘zdan kechirish taomili uni identifikatsiya qilish maqsadida buyurtmachi yoki balansda saqlovchi (ularning vakillari) bilan birgalikda o‘tkaziladi hamda quyidagi bosqichlarni o‘z ichiga oladi:

• 
  baholash obyekti va uning qismlarining texnik holatini (ishga yaroqli-yaroqli emasligi) visual ko‘zdan kechirish (qismlarning nosozliklari va nuqsonlarini aniqlash);
  
• 
  baholash obyektining fotosuratini olish;
  
• 
  baholash obyektini identifikatsiya qilish;
  
• 
  ko‘zdan kechirganlik dalolatnomasini tuzish.
  

3.4-jadval
Baholash obyektining texnik holati¹⁶

Nomlanishi	LW300FN rusumli yuklagich
Dvigatel	Soz holatda
Yurish qismi	Podveska qismi, amortizatorlar va o‘qlar – soz holatda, avtoshinalar – ishga yaroqli
Transmissiya	Soz holatda
Kuzov	Soz holatda
Boshqarish tizimi	Soz holatda
Elektr uskunalari	Soz holatda
Qo‘shimcha jihozlar	Mavjud emas
Umumiy holati	Yaxshi
Texnik holati	Soz holatda

Qurilish mashinasining texnik holati va ish bajarish qobiliyatini hamda ularni ekspluatatsiyaga yaroqliligini baholash uchun maxsus mutaxasislar yordamida tekshiruv o‘tkazildi (3.4-jadval).

Tekshirishdan maqsad – baholovchiga baholanayotgan obyekt konstruktiv elementlarining nuqson va nosozliklarini aniqlash, ularni baholash usullarini ko‘rsatish, qaysi xildagi mutaxassisni jalb qilishni aniqlashdan iborat.
Ekspert tekshiruv guruhi o‘z ishida barcha amaldagi me’yoriy va yo‘riqnoma hujjatlariga, tadqiqot ishlari, qayta ta’mirlash va qurilish mashinalaridan foydalanish bo‘yicha davlat andozalariga amal qildi.
Qurilish mashinalarning texnik holati to‘g‘risidagi xulosa qayta ta’mirlashning maqsadga muvofiqligini hal qilish yoki obyektda ta’mirlash-tiklash ishlarini o‘tkazish uchun asos bo‘lib xizmat qiladi.
Baholash obyektidan eng maqbul va eng samarali foydalanishning tahlili qurilish mashinasi bozor qiymatini hisoblashning ajralmas qismidir.
Eng maqbul va eng samarali foydalanish qurilish mashinasidan foydalanishning qonun yo‘li bilan ruxsat etilgan, jismoniy jihatdan ro‘yobga chiqarish va moliyaviy jihatdan amalga oshirish mumkin bo‘lgan, qurilish mashinasining funksional imkoniyatlarini to‘la ro‘yobga chiqarish va uning eng katta qiymatini ta’minlash imkoniyatini beradigan ehtimol tutilgan yo‘li sifatida aniqlanadi.
Baholash obyektidan foydalanishning ehtimol tutilgan variantlarini tanlashga uning jismoniy tavsifi, qo‘shimcha jihozlashlar, obyekt joylashgan hudud hamda baholovchi aniqlashi shart bo‘lgan boshqa omillar muayyan cheklashlar ta’sir ko‘rsatishi mumkin. Bozorga oid axborot yetarli emasligi eng maqbul va eng samarali foydalanishning tahlilidan voz kechilishiga va baholash obyektidan foydalanishning joriy turi eng maqbul deb e’tirof etilishiga sabab bo‘ladi. Baholanayotgan obyekt bugungi kunda qurilish mashinasi (yuklagich) sifatida foydalanayotganligini va kelgusida ham foydalanish turi o‘zgarmasligi sababli baholash obyektidan eng maqbul va eng samarali foydalanishning tahlili o‘tkazilmadi.