Атты халықаралық ғылыми-тәжірибелік конференцияның жинағы в рамках проекта Erasmus+

Тадқиқотнинг мақсади: Жисмоний маданият йўналиши талабаларида янги 
педагогик технологияларни қўлаш асосидаги “Спорт тиббиёти”, “Даволаш жисмоний 
маданияти” ва “Жисмоний маданият гигиенаси”каби фанларни модернизация қилиш 
асносида ўзлаштириш кўрсаткичларини тахлил қилиш ва илмий асослашдан иборатдир. 
Материал ва услублар. Муаммони хал этишдаНаманган давлат университети 
Жисмоний маданият факультетининг жисмоний маданият йўналиши талабаларининг 
2012/2013, 2013/2014, 2014/2015, 2015/2016, 2016/2017 ўқув йиллари рейтинг 
қайдномаларининг тахлили материалларидан фойдаланилди. 
Маъруза машғулотларининг барчаси слайдлар асосида компютер технологиясидан 
ва видиопроектордан фойдаланиб ташкиллаштирилган. Семинар, амалий ва лаборатория 
машғулотлари эса қуйидаги янги педагогик технология усулларидан фойдаланган холда 
олиб борилган. 
“Ким илғор” услуби. Гурухдаги талабаларни икки кичик гурухчага бўлиб, уларга 
уйга вазифа қилиб, ўтиладиган мавзу ва унинг услубий кўрсатмаси берилган. Ҳар бир кичик 

---

112
гурухча вазифани чуқур тахлил қилгач, мавзу бўйича қатор саволлар тайёрлаб келганлар. 
Ана шу тайёрлаб келинган саволлар асосида икки кичик гурухча ўртасида «Ким илғор» 
мусобақаси ўтказилган, яъни саволлар бирма-бир ўртага ташланган ва мусобақа 
натижаларини профессор-ўқитувчи кузатиб бориб, улар бўйича талабалар билими 
баҳоланган. Бунда ҳар бир талабанинг мусобақада қатнашиши ҳисобга олинган. 
“Ким чаққон” услуби. Профессор-ўқитувчи келгуси дарсда ўтиладиган мавзу 
бўйича саволлар тайёрлаб келиб, мавзунинг услубий кўрсатмаси билан биргаликда уйга 
вазифа қилиб берган. Барча талабалар ана шу тузилган саволлар асосида дарсга тайёргарлик 
кўрган. Машғулот вақтида профессор-ўқитувчи бирма-бир саволларни ўртага ташлаган. 
Қайси бир талаба олдин қўл кўтарган бўлса, унинг жавоби эшитилган. Шу тариқа ҳар бир 
саволга жавоб олинган. Талабаларнинг саволларга қайтарган жавобларига қараб 
профессор-ўқитувчи уларни баҳолаган. 
Олинган маълумотларни статистик ишлаб чиқиш SPSS v. 15.0 (2007) ва Windows XP 
MS Excel амалий дастурлар пакетидан фойдаланиб амалга оширилди. Вариацион 
статистиканинг статистик усуллари ёрдамида қуйидаги қийматлар ва мезонлар ҳисобланди: 
ўртача арифметик (М), ўртача арифметик хато (m). Ўртача фарқлар статистик аҳамиятини 
баҳолаш учун Стъюдентнинг t-мезонидан фойдаланилди ва фарқлар ишонарли (р<0.05) деб 
ҳисобланди.