Assalom ona yurt, tonglar o‘lkasi

2-бошловчи :
Улуғ дониш аждодларим бешигисан,
Тараққиёт калитининг эшигисан.
Санъаткорнинг дилдан айтган қўшиғисан,
Ғолиб фарзандларнинг ютуғисан, Ватаним.
(Ўқувчилар ижросида қўшиқ ва рақс ижро этилади)
1-бошловчи:
— Юртимиз 1991-йил 31-августда ўзининг мустақиллигини эълон қилди ва 1-сентябрь «Мустақиллик куни» деб эътироф этилди.
2-бошловчи:
— Ватанимиз мустақилликка эришгандан сўнг биз ўзлигимизни, қадриятларимизни, маънавиятимизни теран англай бошладик. Ўзбек шону шавкати, ғурури дунёга танилди. (Саҳнада 6 нафар ўқувчи Ватан ҳақида шеър ўқийди)
1-ўқувчи:
Бу дунёда жаннатмонанд ерлар бисёр,
Бу дунёда оқу қаро эллар бисёр,
Аммо йўқдир бу дунёда сендек диёр,
Жоним ичра жонимдурсан, Ўзбекистон.
2-ўқувчи:
Тупроғингда аждодларим изи қолган,
Боболарим терларининг тузи қолган,
Ҳар гардида момоларим кўзи қолган,
Жоним ичра жонимдурсан, Ўзбекистон.
3-ўқувчи:
Ўзбек элим, нуридийдам, қароғимсан,
Ўзбек элим, осмоним-у тупроғимсан,
Ҳам қувончим, ҳам бахтим-у фироғимсан,
Жоним ичра жонимдурсан, Ўзбекистон.
4-ўқувчи:
Бешигингда аллаладинг дунёларни,
Дунё очган неча-неча даҳоларни,
Болам дединг юраклари адоларни,
Жоним ичра жонимдурсан, Ўзбекистон.
5-ўқувчи:
Соҳибқирон қўлларида қалқон бўлдинг,
Улуғбекнинг нигоҳида осмон бўлдинг,
Мирзо Бобур юрагида армон бўлдинг,
Жоним ичра жонимдурсан, Ўзбекистон.
6-ўқувчи:
Қўли қадоқ деҳқон элим, султон элим,
Кўкси юртга доим балогардон элим,
Ўз юртига соҳибқирон, хоқон элим,
Жоним ичра жонимдурсан, Ўзбекистон.
Янги ўқув йилида мактабга даст­лабки қадамини қўяётган 1-синф ўқувчиларини табриклаш учун маҳалла қўмитаси, ота-оналар ва ҳуқуқни муҳофаза қилиш идоралари вакилларига сўз бе­рилади.
1-бошловчи:
— Мана, тадбиримиз ҳам ўз ниҳоясига етиб бормоқда. Барчангиз­ни мактаб қўнғироғи садолари остида 2019-2020-ўқув йилининг биринчи дарсига чорлаб қоламиз. Азиз ўқувчилар, янги ўқув йилида аъло баҳоларга ўқиб, Ватанимизнинг янада ривожланиши учун ўз ҳиссасини қўшадиган доно фарзандлар бўлиб етишишингизни тилаб қоламиз.