Assalom ona yurt, tonglar o‘lkasi

Ассалом она юрт, тонглар ўлкаси!
Умумий ўрта таълим муассасаларида «Жонажон Ўзбекистоним, мангу бўл омон!» шиори остида «Биринчи қўнғироқ» тадбирларини ўтказиш бўйича тавсия
Мамлакатимиздаги барча уму­мий ўрта таълим муассасаларида ушбу тадбир юқори савияда ўтказилиши учун қуйидагиларга риоя қилиш тавсия этилади:

• 
  умумий ўрта таълим муассаса­ларида «Биринчи қўнғироқ» тадбирларини жорий йилнинг 4-сентябрь куни соат эрталабки 8:00 да «Жонажон Ўзбекистоним, ­мангу бўл омон!» шиори остида ташкил этиш;
  
• 
  мактаб майдони мустақиллик бай­рами кайфиятида байрамона «Би­ринчи қўнғироқ» ва Мустақилликнинг йигирма саккиз йиллигига бағишланган «Жонажон Ўзбекистоним, мангу бўл омон!» шиори билан безатилади (мактаб имкониятидан келиб чиққан ҳолда саҳна қўшимча безаклар билан ҳам безатилиши мумкин);
  
• 
  «Биринчи қўнғироқ» тадбирларини мактаб ҳовлиси, боғида ёки соя-салқин очиқ майдонларда ўтказиш ҳамда мактаб ҳудудига техника воситалари ва бегона шахсларнинг киритилмаслигини таъминлаш;
  
• 
  тадбирга ўқувчилар мактаб устави билан тасдиқланган мактаб формасида келишини таъминлаш;
  
• 
  тадбирлар ўтказиладиган жойларни талаб даражасида жиҳозлаш, гигиена ва тозалик талабларига мувофиқ шароитлар яратиш, ёнғин ва техника хавфсизлиги қоидаларига амал қилган ҳолда ўқувчилар хавфсизлигини таъминлаш;
  
• 
  умумий ўрта таълим муасса­саларида тадбирларнинг тартибли ўтишини таъминлаш мақсадида жойлардаги ўзини-ўзи бошқариш органлари, ота-оналар ва ҳуқуқни муҳофаза қилиш идоралари вакиллари билан ҳамкорлик қилиш;
  
• 
  мактаб раҳбарияти томонидан тадбир иштирокчиларини мустақиллигимизнинг йигирма саккиз йиллик байрами ҳамда «Биринчи қўнғироқ» билан табриклаш жараёнида юртимизда сўнгги йилларда эришилган ютуқлар, амалга оширилган кенг кўламли бунёдкорлик ишлари, таълим тизимидаги ислоҳотлар тўғрисида аниқ рақамлар ва далиллар келтирилган ҳолда маълумот бериш;
  
• 
  тадбирга фахрий ўқитувчилар, ота-оналар, касаба уюшмаси, маҳалла ва ҳамкор ташкилотларни таклиф этиш;
  
• 
  «Биринчи қўнғироқ» тадбири бошланғич синф ўқувчиларининг жисмоний имкониятларини инобатга олган ҳолда 30 дақиқадан ошмаслигини таъминлаш;
  
• 
  тадбирни ташкил этишда мактабнинг Кузатув кенгаши аъзолари фаол иштирокини таъминлаш мақсадга мувофиқ.