Asinxron motorlar

ASINXRON MOTORNING GENERATOR VA ELEKTROMAGNIT TORMOZ REJIMLARI
Asinxron motorlari ham boshqa elektr mashinalari kabi generator va teskari ulanish hamda elektrodinamik tormoz rejimlarida ishlaydi.
Asinxron generator. Agar stator chulg’ami uch fazali elektr tarmog’iga ulangan asinxron mashina rotorini birlamchi motor yordamida sinxron tezlik n₁, ga nisbatan 3--5% yuqori tezlik n₂ bilan aylantirilsa, bunday mashina asinxron generator rejimida ishlay boshlaydi. Bunda asinxron mashina rotoriga birlamchi motor tomonidan berilgan mexanik energiya elektr energiyasiga aylanib, uning statori orstali elektr tarmog’iga uzatiladi. Bunday mashina generator rejimida aylanuvchi magnit maydo-ni hosil qilishi uchun elektr tarmog’idan statorga reaktiv energiya o’tib, unda hosil bo’lgan aktiv energiya esa tarmoqqa uzatiladi. Shu sababli asinxron generator elektr tarmog’idagi quvvat koeffistientini keskin kamaytiradi. Bu uning asosiy kamchiligi hisoblanadi. Asinxron mashinaning generator rejimidan, ko’pincha, avtotraktor motorlarini chiniqtirish stendlarida foydalaniladi. Bu stendda avtotraktor motori, dastavval, yoqilg’i berib ishga tushirilmaydi, balki asinxron motor bilan maxovik singari aylantiriladi va so’ngra unga yoqilg’i berilib asta-sekin ishga tushiriladi. Natijada avtotraktor motorining tezligi asinxron motorning tezligiga yaqinlasha boradi. Bunda asinxron motorning aylantiruvchi momenti kamayib boradi va avtotraktor motorining n₂ tezligini sinxron tezlik n gacha ko’paytirilganda, asinxron mashina elektr tarmoqdan aktiv energiya olmay, faqat reaktiv energiya olib ishlaydi. So’ngra n₂ > n₁ bo’lishi bilan asinxron mashina generator rejimiga o’tadi. Bunda asinxron mashstiada hosil bo’lgan elektromagnit moment avtotraktor motoryyyng aylantiruvchi momentiga teskari bo’ladi. Demak, asinxron mashina avtotraktor motoriga nagruzka bo’lib, uning mexanik energiyasini elektr energiyasiga aylantiradi va bu aktiv energiyani o’zi ulangan elektr tarmog’iga uzatib ishlaydi.