Asinxron motorlar

Asinxron motorning teskari ulanish rejimi. Asinxron motorning bu rejimidan kran bilan yuk tushirish, ma’lum bir tomonga aylanib turgan motorni reverslash yoki uni tez to’xtatishda foydalaniladi. Bunda motor o’zining ulanishiga nisbatan teskari bo’lgan tomonga aylanadi. Shunga ko’ra, bu rejimda S > 1 bo’lib, rotordagi e. yu. k. ning qiymati uning qo’zg’almas holatidagiga nisbatan yustori bo’ladi. Shu sababli rotorda hosil bo’lgan tokning qiymati ham katta bo’lib, uni tashqi qarshilik bilan kamaytirish zarurati tug’iladi.

12-rasm. Asiixron motorni teskari ulanish rejimiga o’tkazish sxemasi

Ishlab turgan motorni teskari ulanish rejimiga o’tkazish uchun, statorning ikki fazasi o’rinlarini o’zaro almashtirib, ularchi yana shu elektr tarmog’iga ulash kifoya (12-rasm). Bunda faza rotorli motorning rotori zanjiriga, ishga tushirish qarshiligidan tashqari, qo’shimcha aktiv qarshilik ham kiritiladi. Motorning bu rejimda ishlashi va mexanik xarakteristika-si parallel qo’zg’atishli o’zgarmas tok motoriniki singari bo’ladi. Asinxron motorning teskari ulanish rejimida ham inertsiya kuchi ta’syrida aylanuvchi qismlarining kinetik energiyasi yoki tushirilayotgan yukning potenstial energiyasi elektr energiyasiga aylanib, rotor zanjiri qarshiliklarining qizishiga sarflanadi. Bunda motor elektr tarmog’idan energiya olib, bu energiya rotor zanjiri qarshiliklarining qizishiga sarflanadi.