Ҳарбий таржимон Тақризчилар : А. Т. Ирисқулов, филология фанлари номзоди, профессор, Ўз джту о. М. Мўминов

14-
тавсия: ҳамкасблар билан мулоқот. 
Эркин ёзма таржимон 
аксарият ҳолларда ўз хонадонига бекиниб, куни бўйи ишлайди. Бироқ, 
Интернет сизга ҳамкасбларингиз билан форум ва блогларда мулоқот 
қилиш, ёзишмалар олиб бориш имконини беради. Бундай муносабатда 
бўлиш нақадар муҳим эканлигини назар
-
писанд қилмаслик мумкин эмас. 
Негаки бундай муносабатлар сизга: ёлғиз эмаслигингизни тушуниб етиш 
имконини беради, профессионал жиҳатдан камол топишингизга омил 
бўлади, ҳамкасбларга савол бериш ва бирталай тўпланган ахборотлардан 
фойдаланишга имконият туғдиради ва ҳ. к. Шуни ёдда тутмоқ лозимки 
аксарият иш берувчилар, айниқса таржима бюролари ўзлари учун янги 
таржимонларни айни мана шундай Интернет
-
уюшмалардан қидирадилар. 
Топадилар ҳам. Нима учун сиз уриниб кўрмаслигингиз керак? Ва албатта 
ҳамкасблар билан реал ҳаётда ҳам учрашиб туришга (яхши
-
ёмон 
кунларида ёнида бўлишга) ҳаракат қилинг, негаки ҳеч қандай форум 
шахсий муносабатлар ўрнини боса олмайди.
15-
тавсия: алоқаларни ривожлантириш.
Юқорида баён этилган 
муносабатлар билангина чекланиб қолманг. Сиз таржима қиладиган тил 
соҳиблари орасидан ҳам танишлар оттиришга ҳаракат қилинг (айниқса шу 
тилга таржима қилаётган бўлсангиз). Шаҳрингизда қандай олий ўқув 
муассасалари борлигини ва ушбу муассасаларда нималар ўқитилишини 
суриштириб билинг. Ушбу муассасаларда ишлаб, сизга зарур бўлиши 
мумкин ихтисосликлар мутахассислари билан норасмий муносабатларни 
йўлга солинг. Эҳтимол вақти келиб сизга ўзингиз танийдиган вёрсткачи, 
веб
-
устаси ёки дизайнер керак бўлиб қолиши мумкин. Шу сабабли бундай 
танишлар доираси ҳам халақит бермайди. Айниқса сиз ишлайдиган тил 
жуфтида таржима қиладиган ишончли таржимонлар билан танишиб олиш 
жуда муҳим аҳамият касб этади. Бундай ҳамкасблар зарур фурсатда, 
мисол учун буюртмаларга кўмилиб кетиб, ўз вақтида бажаришга улгурмай 
қолаётганингизда ёки тўсатдан бетоб бўлиб қолганингизда ёрдам 
қилишлари мумкин.