Ҳарбий таржимон Тақризчилар : А. Т. Ирисқулов, филология фанлари номзоди, профессор, Ўз джту о. М. Мўминов

19-
тавсия: ўз меҳнатингизни қадрланг.
Сиз ўзингиз учун ишлайсиз, 
ҳаётингиздаги кўп нарсалар даромадингизга боғлиқдир. Агар ўз кучингизга 
ишонсангиз, тажрибангиз етарлича бойиб кетса, бажарган ишларингиз 
сифатли эканлиги кўп маротаба ўз тасдиғини топган бўлса, мижозларингиз 
сиз ҳақингизда яхши фикр
-
мулоҳазалар билдирган бўлсалар ўз 
меҳнатингизни арзон баҳолаб, кам ҳақ тўланадиган ишчилар лагерини 
тўлатманг. Эски буюртмачилар учун хизмат ҳақингизни оз
-
оздан ошириб, 
янада кўпроқ ҳақ тўлайдиган янги мижозлар топишга ҳаракат қилинг
. 
Тарифни оз бўлса ҳам оширишингиз даромаднинг сезиларли ортишига 
олиб келади. Мисол учун, ҳар бир саҳифа учун тўланадиган ҳақни сиз 
атиги 0,5 долларга оширдингиз, бир ой ичида, айтайлик тахминан 
200 саҳифа таржима қила оласиз; бинобарин сиз бир ойда 100 долларга
, 
бир йилда эса 1200 долларга кўп ҳақ оласиз (мутлақо ортиқча эмас).
20-
тавсия: жиддийлик ва тезлик.
Ҳар бир таржимага, ҳаттоки у 
соддагина бўлса ҳам жиддий ёндашинг. Аксарият ҳолларда шундай вазият 
бўладики, кичик ҳажмли, лекин синчковлик билан бажарилган таржимадан 
сўнг буюртмачидан етарлича катта ҳажмга эга матн келади. Имловий 
хатолар бор
-
йўқлигини текшириб чиқишни асло унутманг, таржимани қайта 
ўқиб чиқишни, бунда компьютер экранида эмас, балки қоғозга чиқариб 
ўқишни, вақт ўтиб, иш ниҳоясига етгач уни қайтадан ўқиб чиқишни одат 
қилинг. Мақбул тезлик билан ишлашга, буюртмани бажариш муддатини 
чўзмасликка ҳаракат қилинг. Агар сизга ўнта саҳифани бир ҳафта муддатга 
беришган бўлса, ишни охирги кунга қадар сурманг. Ушбу матнда қандай 
қийинчиликларга дуч келишингиз мумкинлигини ким билади? Бундан 
ташқари, ҳафта ўртасида бошқа бир буюртмачи яна бир буюртма юбориши 
мумкин бўлиб, эҳтимол ҳаяжонда қолиб кетарсиз. Гарчи бундай ҳолатнинг 
олдини олиш ўз қўлингизда эди. Бироқ, такрор эслатиш жоизки: таржима 
сифатли бўлиш кераклиги асло эсдан чиқмасин!