Ҳар бир киши билиши керак бўлган савол жавоблар

Савол: Бахт хақида фикрларингиз?
Жавоб: Бахт у: Аллоҳдан ҳар тун , яна бир тонг тиланмоқликми, ва уйғониб қуёш нурига “Омонлик!”,-деб беланмоқликми?
-Бахт у нима?
Дастурхонингда қўлинг куйиб ушатилган нон, ёки қушлар ҳадиксиз учган, бизга насиб этилган осмон!
-Бахт у нима?
Болани эмизган, оналар сийнасида сут, ёки ёмғирлари билан сийлаган қиз сочидек қоп-қора булут!
-Бахт у нима?
Балки момонинг набирасини белаган бешик. Фаришталар ризқ келтирсин деб тонг саҳарда очилган эшик!
-Нима у бахт?
Хонадонингда қирқ кун келин қилган таъзимми? 30, 50, 80 ёшингда дўстларингнинг қурган баъзимими?
-Бахт у нима?
Беминнат халол битта қошиқ ошинг ичганинг. “Соғиндим!”,-деб ҳар замонда бир онажонинг қучганингми?
-Бахт у нима?
Энг сўнги дамда калимага келоолган тилинг ва ўғлингнинг елкаларида босиб ўтган охирги йўлингдир!


Савол. “Асҳаби Қаҳф”ни изоҳланг
Жавоби:
“Асҳаби Қаҳф” –“Ғор соҳиблари”.Рим императори Доққиюнус зулмидан безиб тавҳид йўлида Мусоғорга яширинган, тангри қудрати билан 309 йил, 9 ой ухлашган йигитлар ҳақида баён этилади. (Улар 3та ёки 7та ва битта “Қитмир” деган итлари бўлган дейишади.
Шунгдек, Мусо билан Хизир а.с. ва Зулқарнайн қиссалари ўз ифодасини топган.(Қиссаси Робғузийда”).
(“Саодатга элтувчи билимлар.Т:. 2002. 465-бет
Савол. Биби Мушкулкушод ва биби Сешанба ҳақида
қандай маълумотга эгасиз?
Жавоби:
Бибимушкулкушод форсча “Мушкулни осон қилувчи аёл” маъносини билдиради. Ҳожа Баҳоввуддин Нақшбанднинг холаси.
Бибисешанба эса Нақшбанднинг аммаси деган маълумотлар бор.
Манбаларда айтилишича аёллар сиғиниб юрадиган авлиё аёллардир.
Ҳафтанинг чоршанба кунлари ҳалқ орасида аёллар томонидан Бибимушкулкушодга атаб диний зиёфатлар уюштириб келинган.
Бибисешанба авлиё аёл тимсолида чарх йигирувчи аёлларнинг химоячиси деб келинган ва сашанба куни аёлларга диний зиёфатлар берилган.
Аслида Аллоҳдан бошқа ҳеч ким, мушкулотларни осон қилолмайди.
(“Саодатга элтувчи билимла”р.Т:. 2002. 436-бет


Савол. Макка қандай шаҳар?
Жавоби:
Макка Саудия Арабистонида, Ҳижоз вилояти маъмурий марказида жойлашган, аҳолиси 300.000 кишидан ортиқ аҳолиси бўлган ИСЛОМ дини зуҳр этилган муқаддас шаҳардир.
Ҳар йили икки миллиондан ортиқ одамлар ҳаж зиёратига келадиган бу шаҳар
”Маккаи мукаррама” дейилади.


Савол. Мадина ҳақида билганларингиз?
Жавоби:
Мадина-“шаҳар” дегани. “Мадина ан набий”- “пайғамбарнинг шаҳри” ҳам дейилади.Мадина шаҳри Маккадан 400 км нарида жойлашган булиб қадимги номи Ясриб дейилади. Муҳаммад с.а.в. бу шаҳарга 622- йилда ҳижрат қилганлар. Муҳаммад с.а.в.нинг уйи ва қабри Мадинада.
Мадинаи Мунаввара деб аталади.


Савол. Қуддуси Шариф ҳақида билганларингиз?
Жавоби:
Фаластинда жойлашган Қуддуси Шарифни Милоддан илгари Довуд а.с.бутпараст яҳудийлардан тортиб олган ва уни Исроилнинг табаррук пайтахтига айлантирган.
Қуддуси Шариф мусулмонлар, яҳудийлар, насронийлар
учун бирдек муқаддас шаҳардир.
Мусулмонлар бу шаҳарни:
Байт ул-Мақдис;
Байт ул-Муқаддас ҳам деб атйдилар;


Савол. Умар Ҳайём кимлигини биласизми?
Жавоби:
Умар Ҳайём (1048-1131билан яшаб ўтган).
Буюк файласуф, математик, астраном, табиб, улуғ шайх ва кўплаб рубоийлар ёзган.
Рубоийдан намуна:
Бир ғариб кўнглини эта олсанг шод,
Яхшидир ер юзин қилгандан обод.
Лутфингла бир дилни қул қила олсанг,
Афзалдир юз қулни қилмоқдан озод.


Савол. Ғийбат ва бўхтон ҳақида фикрингиз?
Жавоби:
Ислом динида харом қилинган ишлардан бири ғийбатдир.
Сўрадилар:
Ё Расулуллоҳ! Ғийбат нимадир?
Айтдилар: ”Бир кишининг ўзи эшитса ёқтирмайдиган нарсаси айбини айтиш”, дедилар.
Агар ўша кишида айтилган айб мавжуд бўлсачи?,-дедилар.
Расулуллоҳ: “Агар унда бўлган айбни айтсанг у ғийбат бўлади.
Агар унда йўқ бўлган айбни айтсанг унда уни бўхтон қилган бўласан”,-дедилар.

(“Хижрат” сураси, 12- оятда ғийбат ҳақида айтилган. Бир-бирининг гўштини ейиш билан баробар, Аллоҳдан қўрқинг ва тавба қилинг дейилган).

Савол. Имом Ғаззолий ким бўлган?
Жавоби:
Абу Хомид Муҳаммад ибн Муҳаммад ал Ғаззолий (1059-1111)
Нишопур ва Боғдодда таълим олган. Кўп асарлар ёзган.
Йирик ислом илоҳиятчиси файласуф. У илоҳият тизимларини ишлаб чиққан
ва фалсафий изоҳлаган. У Аллоҳ таолани одамзод тулиқ англаб бўлмайди. Аллоҳни фақат ибодатлар орқали англаш мумкин,-деганлар
(“Диний илмларни жонлантириш”, “Саодат кимёси”,”Файласуфларни рад этиш” ва бошқа кўп асарлари бор.
(С.э.б. 470-бет).
Савол. Кўз тегиш ҳақида нима биласиз?
Жавоби:
Ҳалқнинг “Кўз”-етти дарёни қуритади”,-деган ибораси бор.
Кўз тегиш борлигини пайғамбаримиз с.а.в. ҳам кўп ҳадисларида айтиб ўтган. Ҳар бир одамда “кўз” энергетикаси бор. Шунинг учун ҳар бир киши бир яхши нарсани( уй-жой,мол давлат, ёш бола ва ҳ.к.з.) кўрганида ўзини тийиши ва “машшаллоҳ” дейиш керак.
Кўз тегмаслиги учун уч марта “Субҳаналлоҳ”, деб чап элка томон туфланади. Ҳар доим,”Ихлос”,”Фалақ”,”Нас”сураларни айтиб юриш керак.
(С.э.б. 561-бет)
Савол. “Васият” ҳақидаги фикрларингиз?
Жавоби:
“Васият”марҳумдан қолган сўнги истак ирода бўлиб, мусулмончиликда ота-она васияти улуғ ҳисобланади. Уни бажармаслик оғир гуноҳдир. Уни бажармаслик оқпадар бўлиб қолади.
Инсон соғ пайтида айтиб ёзиб қолдириши керак бўлади.
Маънавий ва мулкий васиятлар бўлади.
(“Бақара” сураси 180-181-оятларда васият ҳақида айтилган.)