Ҳар бир киши билиши керак бўлган савол жавоблар

Савол.”Азон” нима?
Жавоби:
“Азон” бу инсонларни ҳидоятга чақирувчи садодир.


Савол. Бахт ҳақида нима дейсиз?
Жавоби:
“Бахт” маъноси - кишининг ҳаётидан тўла қониқиши, хурсандлиги, мамнунлиги, орзу ниятларнинг амалга ошиши, ҳаётдан тўла розилиги.
Абурайхон Беруний: Кишининг бахти унинг илм ва маърифатлилигидадир деса,Суқрот-ёмон ишлар илмсизликдан келиб чиқади деганлар.
Исломда илм ниҳоятда қадрланган. Илм жамият тараққиятининг ҳаракатлантирувчи кучидир. Илм ёмонликлардан қутқариб яхшиликларга етакловчи воситадир деганлар. Муқаддас китоб Қуръони каримда ҳам “Бешикдан то қабргача илм изла”,-дейилган. Илм олиш фарз булиб,бу дунёда илм орқалигина Аллоҳни таниш мумкин. Асл бахт Аллоҳни таниш.


Савол. Муҳаммад с.а.в. замонларида Қуръон оятларини кимлар ёзиб борган.
Жавоби:
Асосан тўрт киши:
1.Убай ибн Каб;
2.Маоз ибн Жабал;
3.Зайд ибн Собит;
4.Абу Зайд лар хурмо баргига, курак суякларига, япалоқ тошларга, ҳайвонлар терисига ёзиб борганлар.


Савол. Ғавсул Аъзам р.а. ҳақида қандай маълумотга эгасиз?
Жавоби:
Ғавсул Аъзам ўз замонасида “Султонул авлё”(Авлёлар султони) деб, эъзозланган.
У кишининг мақсади:
-Яхшилик йўлида инсонларни тарбиялаш;
-Ёмон йўлдан қайтариш;
-Ожиз ва йўлдан адашганларга ёрдам бериш;
-Ҳалоллик ва эзгулик учун курашиш бўлган.
У кишининг асл исмлари:
Саййиди Муҳиддин Абдулқодир Гилоний
(1079-1166) Боғдодда яшаган авлиёдир. “Қодирия “ суликининг асосчиси.
Насл-насаби ўнинчи авлод бўлиб, Муҳаммат с.а.в. га бориб тақалади.
Савол. Ғавсул Аъзамнинг фаолияти ҳақида маълумотлар.
Жавоби:
Ғавсул Аъзам ислом дини асосларини пухта эгаллаган.У киши “Аҳли сунна вал жамоа” мазҳабида ҳукум юритган бўлиб, Боғдодда 33 йил ўзи мадраса барпо этиб кўплаб ёшларга сабоқ берган.
Яшаш учун ишлаш, лекин дунёга кўнгил қўймаслик, охирот амалларини бажаришни тарғиб қилган.
Ота томондан имом Ҳасанга, она томондан имом Ҳусанга тақалади.
Абдулқодир Гилоний ҳазратлари увайсийдир у кишини Муҳаммад с.а.в. тарбиялаган. У кишини хожаи Хизир уч йил тарбиялаган:
-Биринчи йили шайтон билан курашишда бардавом бўлган;
-Иккинчи йили ўз ҳоҳиши билан дунё ишларидан нари бўлди;
-Учунчи йили нафсини ўлдирди;
Ундан шайтон қочадиган бўлди.
(Бир иссиқ кунда осмонда нур кўтарилиб, “Эй, Абдулқодир жами хором нарсанисенга халол қилдим”,-деганида, Ғавсул Аъзам: “Аъувзубиллаҳи минашшайтонир рожийм”,-деди). Шундан сўнг шайтон қачодиган бўлди.
Савол. 40 рақамида қандай сир бор?
Жавоби:
Диний қарашларда ғам қирқ сони кўп ишлатилади. Чунки 40 кунда ўлган одамда ўзгаришлар, 40 кунлик чилла сақлашлар ва ҳакозалар.
40 кунда тирик организмда ўзгаришлар пайдо бўлади ва янгиланади.
40 кунда туққан организмлар янгиланади.
40 йилда авлод янгиланади;


Савол. Қуръони карим қачон китоб бўлиб жамланган?
Жавоби:
Қуръони каримни жамлаб китоб қилишда ҳазрати Усмоннинг ҳиссаси катта. Қуръони карим Аллох томонидан Қурайш лаҳчасида нозил бўлгани учун, қурайш лаҳчасида жамлаб ёзилган.
Уни ёзишда Ҳазрати Усмон бош қош бўлган.
Котиблар:
-Абдулла ибни Собит;
-Абдулла ибни Зубайр;
-Саҳид ибн Ос;
-Абдурахмон ибни Хошимлар қурайш лаҳчасида ёзишган. Ҳижратнинг 24 чи йили Қуръони карим кийик терисига ёзилиб, йирик ислом марказларига юборилган. Манбаларда олти (6) нусхада ёзиб, ҳозиргача сақланиб қолган.
Савол. Қуръони каримнинг қандай қадимги нусхалари бор?
Жавоби:
Қуръони каримнинг нусхалари:
1.Макка нусхаси;
2.Дамашқ нусхаси;
3.Басра нусхаси;
4.Кўфа нусхаси;
5.Мадинага хос нусхаси;
6.Мадина умумий нусхаси;
-Мадина нусхасини ҳазрати Умар ўзига олиб қолиб ўқиб юрганлар. Ҳозиргача ҳазрати Усмон имло қоидаси сақланиб қолган.


Савол. Муҳаммад с.а.в.нинг пайғамбарликларининг биринчи йили дастлаб исломни қабул қилганлар кимлар?
Жавоби:
Биринчи йили исломни қабул қилганлар:
-Аёллардан Хадижаи Кубро;
-Эркаклардан Абу Бакр сиддиқ;
-Болалардан ҳазрати Али;
-Қуллардан Зайд ибн Хорис;
Кейинчалик: Усмон, Зубайр, Саъд ибн Абу Ваққос, Талҳа ибн Убайд.
-Учунчи йили 30 киши;
-23 йилда 124.000 дан ортиб кетган.
Савол. Жалолиддин Суйитийнинг “Барзак ҳаёт” асарида алломалардан Ибн Қосим: ”Ҳар бир нафс учун туртта (4) ҳовли(холат) бор дейди. Улар қайсилар?
Жавоби:
Улар:
1.Она қорни, у жуда тор ҳовли бўлиб. уч қават қоронғи жойдир;
2.Биз яшаётган фоний дунё ҳовлиси.(Барча яхши ва ёмонликлар ва гуноҳ ва савоблар шу дунёда ҳосил қилинади;
3.Барзак (қабрдаги) ҳаёт(ҳовли)бу дунё ҳовлисидан каттадир;
4.Охирги қарор топар ҳовлиси, яъни жаннат ёки дўзах бўлиб унда бошқа дунёда бўлмаган холатлар мавжуддир;
(т:.2006”Барзак ҳаёт” 18-19-20 бетлар)


Савол.”Аллоҳ” нинг маъноси?
Жавоби:
Абадий ва азалий вужуд Аллоҳ дейилади.
-ОЛАМ бу ўткинчи ва фоний вужуд оламидир;
-АЛЛОҲ олам эмас;
-ОЛАМ Аллоҳ эмас;
-АЛЛОҲ Оламнинг яратувчисидир;
-ОЛАМ Аллоҳ таоланинг ижодидир;


Савол. Энг йирик масжидлар ҳақида билганларингиз?
Жавоби:
Энг йирик масжидлардан бири Маккада “Масжидул харам”
89 метрдан баланд 9та минораси бор;
Майдони 357.000 кв. метр. 4 та дарвозаси, 44 та иккинчи дарвоза лари бор?
Оддий кунларида 900.000 дан ортиқ, ҳаж кунлари 4 млн дан ортиқ бўлади.
Яна йирик масжидлардан бири Мадинада жойлашган “Масжиди набавий” бўлиб, майдони 400-500 кв.метр 10 та минора бўлиб, бўйи 105 метр баланд. Оддий кунларда 600.000 дан ортиқ одамлар, ҳаж кунларида бир млндан ортиқ одамлар йиғилади.
Савол. Қараса қарайди йўлинга, аммо қарамас ҳеч қўлинга бу ким?
Жавоби:
Бир умр йўлингга қарайдиган, ҳеч қўлинга қарамайдиган бу отанг ва онанг.


Савол.”Вақт”нималигини изоҳланг?
Жавоби:
Вақт бу ўтмишнинг келажак билан туташтирувчи бу ҳозирдир.
Демак вақт бу ҳозирдир.
Мисол:70-80 ёшли киши яхшими-ёмонми шунча йил яшади -курган умри ўзиники. Аммо ёш йигит шунча йил яшайдими йўқми буни вақт билади.
Савол. Онадан туғилмаган махлуқотлар?
Жавоби:
1.Одам атони тупроқдан;
2.Мома Ҳаввони қовурғадан;
3.Қурбонликка сўйиладиган Исмоилнинг ўрнига Аллоҳдан юборилган қўчқор;
4.Самуд қами пайғамбари Солих а.с.нинг тош орасидан чиқарган туяси;