Aqliy va jismoniy rivojlanishida muammosi bo’lgan bolalar

Aqliy va jismoniy rivojlanishida muammosi bo’lgan bolalar- tug’ma, irsiy, ega bo’lingan kasalliklar yoki belgilangan tartibda tasdiqlangan jarohatlar asoratlari oqibatida hayotiy faoliyati cheklangan jismoniy va psixik kamchilikka ega bo’lgan bolalar. Bu deffektlar tug’ma yoki tugilgandan paydo bo’lishi mumkin. Tug’ma anomaliyalarning paydo bo’lish sabablari turlicha. Ko’p hollarda nasl (genetik) faktorlar asosiy rol o’ynaydi. Tug’ma anomaliyalar rivojlanayotgan homilaga kimyoviy, mexanik, infeksion tasirlar ko’rsatish natijasida ham paydo bo’lishi mumkin. Tug’ilgandan so’ng paydo bo’ladigan anomaliyalar bolalik paytida yuqumli kasalliklar bilan og’ish (meningit, poliomielit, qizamiq, qizilcha) jarohatlanish, intoksikatsiya natijasida ro’y beradi. A. b.ning asosiy guruhlari quyidagilar: 1. Eshitish qobilyatida kamchiliklari bor bo’lgan bolalar (kar zaif eshituvchi, keyin kar bo’lganlar); 2. Ko’rish qobiliyatida kamchiligi bor bo’lganlar(ko’r, zaif ko’ruvchi) bolalar. 3. Aqli zaiflar. 4. Jismoniy kamchiliklari bor bo’lgan bolalar. 5. Nutqida og’ir kamchiliklari bor bo’lgan bolalar. A.b. maxsus muassasalarda talim- tarbiya olishadi. Maxsus muassasalarning asosiy maqsadi bolalardagi psixik hamda jismoniy kamchiligilarini mumkin qadar bartaraf etish va kompensatsiya yo’li bilan ularni normaga keltirish.

Aliment – (lot. allimentum – oziq ovqat, nafaqa, ta’minot boqish uchun mablag’lar) bir shaxsning ikkinchi shaxsga majburan to’lanadigan moddiy mablag’idir. O’z. Res Oila kodeksga binoan ota ona voyaga yetmagan bolalarga ta’minot berish shart. Voyaga yetmagan bolalarga ta’minot berish majburiyatini ixtiyoriy ravishda bajarmagan ota ona sudning hal qiluvchin qarorida yoki sud buyrug’iga asosan aliment undiriladi. Shuningdek, voyaga yetgan , mehnatga layoqatsiz, yordamga muhtoj bolalarga ota ona aliment to’lashi shart. Bunday ta’minot kelishuviga binoan va bunday kelishuvga erishilmagan taqdirda nizo sud tartibida hal qilinadi. Aliment miqdori O’z. Res. Oila kodeksining 99-moddasiga binoan belgilanadi.