Аплв1тот1 Jill. V b tk kaffTAlv grant bulalari

limlar yerliklarning yevropaliklar bilan savdo-sotiq qilishi uchun uzoq yillarga yetgan bo'lardi.
Ovchilar maorilar yashaydigan joylarda juda kam uchraydigan kivi galalariga duch kelib turdilar. Bu ajoyib qushlar, aftidan, Yangi Zelandiya itlaridan shu yerda boshpana topgan edilar. Ularning go'shti say-ohatchilarimiz uchun mazali va mo‘l-ko‘l taom bo‘ldi.
1-mart kuni kechqurun Glenarvan bilan uning hamrohlari nihoyat gigant kaurilar o'rmonidan chiqdilar va balandligi besh yarim ming futga yetadi-gan Iki-Renj tog‘i etagida tunash uchun to‘xtadilar.
Maunganamu tog‘idan yo'lga chiqqanlaridan beri yuz milcha masofani bosib o‘tdilar, okean sohiliga yana o‘ttiz milcha bor edi. Jon Mangls Maunganamudan sohilga o‘n kunda yetib olarmiz deb o'ylagan edi, lekin Jon unda yo'lning bunday qiyin-ligini bilmagandi.
Amalda esa, yo‘lda uchragan to‘siqlarning ko'pli-gi, ularning aylanib o‘tish, otryadning turgan joyini belgilashda yo‘l qo‘yilgan xatolar yo'lni beshdan bir qismiga cho‘zib yubordi. Shuning uchun sayohatchi-larimiz Iki-Renj tog‘iga juda holdan toyib yetib keldilar.
Sohilga yetib olish uchun yana ikki kun zo‘r berib yo‘l yurish kerak edi. Buning ustiga, g'ayrat va hushyorlikni mana endi kuchaytirish lozim, chunki yo‘lovchilar yerliklar kelib-kelib turadigan yerlarga yetgan edilar. Shunga qaramay, ertasiga hammalari charchoqni yengib, tong otar paytda yana yo‘lga tushdilar.
Ikki tog‘ orasidan o‘tib borishga to‘g ‘ri keldi: o‘ng tarafda Iki-Renj tog‘i, so‘l tarafda balandligi uch ming yetti yuz fut keladigan Gardi tog‘i qad ko‘tarib turardi. Yo‘l juda qiyinlashib ketdi. Bu yerda «bo‘g ‘uvchi lianlar» deb juda topib ot qo‘yilgan elastik o‘simliklar o'sib yotgan tekis dala o‘n milcha cho'zilib ketgan ekan. Yo'lovchilar har qadamda o‘sha o'simliklar o'roviga tushib qolar edilar. Lianlar ilon-dek qo‘l, oyoqlarga, butun gavdaga chirmashib olardi. Ikki kungacha sayohatchilar qo‘lda boita ko‘tarib va o‘sha ko‘p boshli gidraajdaho, jonga tegadigan yopishqoq o‘simlik bilan kurashib borishga majbur bo‘ldilar, bu lianlarni Paganel sira ham ikkilanmay jonivor o'simliklar klassiga kiritgan bo'lardi.