Аплв1тот1 Jill. V b tk kaffTAlv grant bulalari

Birdan uning ko'zlarida o‘t chaqnab ketdi, qo‘li esa uzoqdagi allanarsani ko'rsatib, oldinga cho'zildi:
— Kema! — deb qichqirdi u. — Kema, do‘st-larim! Eshkaklarga zo‘r beringlar! Eshkaklarga!
To‘rt eshkakchidan birontasi ham kutilmaganda paydo bo‘lib qolgan bu kemani ko‘rish uchun qayrilib qarab o‘tirmadi: eshkakni bir marta ortiqroq tortish-gani ham harna edi. Faqat Paganel o‘rnidan turdi va uzun durbini bilan Glenarvan ko'rsatgan nuqtaga qaradi.
— Ha, — dedi geografiya olimi, — paroxod ekan. U biz tarafga qarab shaxt bilan suzib kelyapti. Bo‘sh kelmanglar, azamat do‘stlarim!

Qochqinlar yana g‘ayrat bilan eshkak torta bosh­ ladilar va yerliklarni yarim soatcha yana o'zlariga sal bo‘lsa ham yaqinlashtirmay suzib bordilar. Paroxod tobora yaqqol ko‘rina boshladi. Endi uning ikkita machtasini, undagi yig‘ib qo‘yilgan yelkanlarni va qop-qora tutunini bahazo‘r ko'rish mumkin edi.