Anesteziologiya asoslari haqida tushuncha

O’zbekiston Respublikasida anesteziologiya va reanimatologiya fanini rivojlanish tarixi
O’zbekiston Respublikasida anesteziologiya va reanimatologiya xizmatini tashkil etish 1967 yildan boshlangan. Avvalo Toshkent Vrachlar malakasini oshirish institutida mutaxassislar tayyorlash uchun anesteziologiya va reanimatologiya kursi ochilib unga dotcent Romanova rahbarlik qilgan. Keyinchalik 1970 yilda professor A.S. Zarzar rahbaligida anesteziologiya va reanimatologiya kafedrasi tashkil etilgan.
Mustaqillikka erishganimizdan keyin Respublikamizda anesteziologiya va reanimatologiya xizmati o’zining haqiqiy rivojlanish davriga o’tib oldi. 1998 yil 10 noyabrda e`lon qilingan “Sog’liqni saqlash tizimini isloh qilish to’g’risida”gi O’zbekiston Respublikasi Prezdentining Farmoni sog’likni saqlash tizimini tubdan qayta kurishni poydevorini qo’yib berdi. Xususan Toshkentda Respublika Tez Tibbiy Yordam Ilmiy Markazi va 12ta regional filiallarning viloyat markazlarida, subfiliallarning tumanlar markazida tashkil etilishi anesteziologiya va reanimatologiya xizmatiga bo’lgan e`tiborni yanada kuchaytirdi.
2003 yil fevralda qabul qilingan “Sog’likni saklash tizimini yanada isloh qilish chora- tadbirlari to’g’risida”gi navbatdagi O’zbekiston Respublikasi Prezdentining Farmoni sog’likni saklash tizimidagi islohotlarni ikkinchi davrini boshlab berdi. Farmonga asosan Respublikamizda ixtisoslashtirilgan Ilmiy markazalar tashkil etilib, bemorlarga zamonaviy yuqori texnologiyali diagnostik va davolash tibbiy jihozlardan foydalanib yuksak malakali ixstisoslashgan tibbiy xizmat ko’rsatilishi talablari ko’yilgan. Bu esa o’z navbatida anesteziologiya va reanimatologiya fanini yanada rivojlanishiga zamin yaratib berdi. Bugungi kunda Respublikamizda 7ta Anesteziologiya va reanimatologiya kafedralari mavjud bo’lib, ularda 10dan ortiq fan doktorlari va 60dan ortiq nomzodlari faoliyat ko’rsatmoqdalar.
1999 yilda Respublika Anesteziolog va reanimatologlarining I–s`ezdi Toshkent shaxrida bo’lib o’tdi va shu yili Respublika Anesteziolog va reanimatologlarining Assotciatciyasi tashkil etilib, Evropa va Jahon Anesteziolog va reanimatologlar Assotciatciyasiga a`zo bo’lib kirdi.