Andijon davlat unibersiteti psixologiya kafedrasi

Mashg’ulotning borishi 
 
Berilgan nazariy ma’lumotlar bilan yaqindan tanishib chiqing. Zarur ishlanmalar (dars konspektlari, 
uslubiy qo’llanmalar, kerakli adabiyotlar) bilan qay darajada ta’minlanganligini yana bir karra tekshirib ko’ring. 
Mavjud qo’shimcha adabiyotlar, manbalarni yaqindan o’rganing. Manbadagi eng muhim jihatlarini ajratib, 
belgilab oling. Bajariladigan ish tuzilishini aniqlang. 
Trening mashqlarini o’tkazish.
Trening talaba tomonidan o’tkaziladi. Quyida treninglarning
ayrimlarining tavsifini keltiramiz: 
1-mashq. 
“Bilaman.Bilishni xohlayman.Bilib oldim” metodi 
Bu metod leksiya darslar uchun qulay. O‘qituvchi mavzu bo‘yicha asosiy tushunchalar va iboralar 
ro‘yxatini kodoskopga o‘xshash biror texnik vosita yordamida talaba-o‘quvchilarga taqdim etadi. Talaba-
o‘quvchilar o‘zlari biladigan va bilmaydigan tushunchalar va iboralar bilan namunadagi jadvalni to‘ldiradilar: 
Bilaman 
Bilishni xohlayman 
Bilib oldim 
Ro‘yxatga kirmagan, biroq dars jarayonida yangidan paydo bo‘lgan talaba uchun notanish tushuncha va 
iboralar ham jadvalning ikkinchi ustuniga qo‘shimcha ravishda qayd etilib boriladi. 
Talaba-o‘quvchining asosiy diqqat e’tibori jadvalning ikkinchi ustunidagi bilimlarni egallashga qaratiladi. 
Talaba-o‘quvchi darsni diqqat bilan tinglab jadvalning ikkinchi ustunidagi tushuncha va iboralarni bilib va yozib 
oladi hamda o‘zlashtirgan savol to‘g‘risidagi uchinchi ustunga «q» belgi qo‘yadi, boshqalari bo‘sh turadi. Agar 
dars jarayonida ikkinchi ustundagi ayrim tushuncha va iboralar o‘rganilmasdan qolib ketsa, ular o‘qituvchidan 
so‘rab yoki mustaqil ravishda o‘rganib olinadi. 
Bu usul talaba-o‘quvchida bilimlarni o‘zlashtirish bo‘yicha o‘z-o‘zini nazorat qilish, darsdayoq tegishli 
ma’lumotlarni egallab olishga intilish, axborot resurslari ustida mustaqil ishlash ko‘nikmalarini shakllantiradi.