Андижон давлат тиббиёт институти факультатив, госпитал терапия, халқ табобати ва эндокринология кафедраси

ГИПЕРОСМОЛЯР КОМА.
Қандли диабет билан ҳасталанганларнинг 0,23% да учрайди, леталлик 50% ни ташкил этади.
ЭТИОЛОГИЯСИ:

1. 
   Қандли диабет компенсациясининг етарли бўлмаслиги:
   
2. 
   Углеводларни ортиқча берилиши;
   
3. 
   Интеркуррент инфекциялар;
   
4. 
   Гастроэнтеритлар, панкреатитлар;
   
5. 
   Хирургик аралашмалар
   
6. 
   Травмалар
   
7. 
   Иммунодепрессантлар билан даволаш, глюкокортикоидларни, диуретикларни қўлланилиши.
   
8. 
   Дегидратацияга олиб келувчи ҳолатлар (куйиш, қусиш, диарея)
   
9. 
   Гемодиализ, перитониал диализ.
   
10. 
    Глюкоза ва NaCl эритмасини ортиқча қуйилиши туфайли (реанимацияда)
    

ПАТОГЕНЕЗИ. Инсулин дефицити юзасида гипергликемия ва гипернатриемия сабабли экстрацеллюляр, гиперосмолярлик натижасида ривожланувчи кома.
КЛИНИК КЎРИНИШИ.
Кўпроқ катталарда (60 ёшдан катталарда) қандли диабетнинг енгил кечиши фонида учрайди. Бироқ ёшларда ҳам учраши мумкин.
Секин - аста ривожланади. Полиурия, полидипсия кучаяди баъзан полифагия кузатилади, астения уйқусираш қўшилади, дегидратация белгилари, тери тургорини пасайиши, мушаклар гипотонияси, кўз соққалари таранглигининг пасайиши кучаяди.
1/3 беморда – тана ҳароратининг кўтарилиши ва шок кузатилади.
Коматоз холатига неврологик ўзгаришлар кўшилиши мумкин: патологик рефлекслар, талваса, нистагм, фалажлик, эпилепсия тутқаноғи; бу ҳолат нотўғри ташхис (церебро васкуляр касалликлар, мия қон айланишининг ўткир бузилишлари каби) қўйилишига сабаб бўлади. Бу команинг тез учрайдиган асоратига веналар ва артериялар тромбози киради.
Доимий кузатиладиган симптомга хансираш киради. Кусмаул нафаси бўлмайди.
Тахикардия, юрак ритмининг бузилиши, гипотония кузатилади. Оёқларда, моякда шишлар бўлиши ҳам учраб туради.
Лаборатор текширув натижалари: гипергликемия 16 дан – 56 ммоль/л гача, гипернатриемия, гемоглобин, гематокрит, лейкоцитлар, умумий оқсил, қолдик азот, мочевина миқдорлари ортади. Кетоацидоз бўлмайди. Баъзан сийдикда ацетон излари бўлиши мумкин. Қондаги бикарбонатлар ва РН нормада, калий миқдори эса пасаяди. Глюкозурия, гипонатрийурия, анурия ривожланиши мумкин.