Anatomiya fanidan amaliy mashg’ulotlar Tuzuvchi

Dasrning maqsadi: Qo`l sohasining erkin muskullarini tuzilishi, birikishi, vazifasi va joylashgan o`rni haqida aniq tushuncha hosil qilish.
Kerakli asboblar: maket, mulyaj, planshet, plakat, tablitsa, qog`oz, qalam, chizg`ich va o`chirg`ich.
Ishning borishi: Qo`lning erkin qo`l muskullarini aniq dalillar bilan talabalarga tushuntirish uchun qo`l muskullariga oid planshet, plakat, maket, mulyaj hamda tablitsalardan foydalaniladi. Keyin birin-ketin qo`l muskullar haqida ma’lumot beriladi. Amaliy darsi ma’ruza darsidan foydalangan holda o`tiladi. So`ngra talaba olgan bilimlariga asoslanib, muskullarni ketma-ketlikda yozadi.
Ishni rasmiylashtirishga doir tavsiyalar: Mavzuga oid muskullarni rasmlarini chizing.


Amaliy № 11
Mavzu: Oyoqning erkin muskullari.
Nazariy tushuncha. Erkin oyoq muskullarining son, boldir va oyoq panjasi muskullari uch guruhga: oldingi, orqa va medial guruhga bo`linadi. Oldingi guruhga ikkita muskul kiradi: Sonning to`rt boshli muskuli bilan tikuvchi muskul.
Sonning to`rt boshli muskuli sonning butun oldingi yon yuzasini egallab turadigan to`rtta boshchadan tashqil topgan. Son suyagining oldingi yuzasidan boshlanadi. Umumiy bo`ladigan baquvvat payi tizza qopqog`ining asl boylamiga aylanib, katta boldir suyagining dumbog`iga birikadi. Tizza bo`g`imi boldirni yozadi. To`g`ri muskul chanoq son bo`g`imi orqali oshib o`tib, uni bukadi. Tikuvchilar muskuli yonbosh suyagining oldingi ustki qirrasidan tepadan pastga va tashqariga tomon qiyshiq holda cho`zilib, katta boldir suyagi dumbog`iga boradi.
Orqa guruhni uchta muskul tashkil etadi. 6 yarim paysimon muskul, yarim pardasimon muskul va ikki boshli muskul. Boldir muskullari uch guruga: oldingi, orqa va lateral guruhni hosil qiladi. Boldir muskullarining hammasi oyoq panjasiga birikadi. Oldingi guruh uchta muskullardan iborat: oldingi katta boldir muskul, bormoqlarni yozuvchi uzun muskul va bosh barmoqni yozuvchi uzun muskul.
Oldingi katta boldir muskuli kaft suyagining asosiga hamda medial ponasimon suyakka birikadi, oyoq panjasini bukadi va oyoq panjasining medial chetini yuqori ko`taradi. Orqa guruh to`rta muskuldan tashkil topgan: boldir uch boshli muskul, orqa katta boldir muskul barmoqlarini bukuvchi uzun muskul va bosh barmoqni bukuvchi uzun muskul. Oyoq panjasining kaft tomonidan muskullarni uch guruhga bo`linadi: birinchi guruh - bosh barmoq muskullari, ikkinchi guruh-jimjiloq muskullari va uchunchi guruh oyoq pastining ichkarisida yotadigan o`rta muskullar guruhidir.