Akadem I ya s. A. Isxakov, A. R. Raxmanov musulmon huquqi

Siyosiy  jinoyatchilar muayyan kuchga ega bo‘lishlari shart. Ular o‘z 
maqsadlarini ilgari surganlarida ham biror kuchga ega bo‘lmasalar, 
siyosiy jinoyatchilar, deb tan olinmaydilar. 
Mamlakatda  qo‘zg‘olon yoki urush vaziyatlari hukm surib turganda 
siyosiy jinoyatlar sodir bo‘ladi. Yuqorida bayon etilgan barcha amallar 
tinchlik sharoitida yuz beradigan bo‘lsa, ular oddiy jinoyatlar hisoblanadi. 
Bu jinoyatlarni sodir etgan shaxslar oddiy jinoyat qilganlar kabi 
jazolanadilar.  
Ulardan bu davrda tinch yo‘l bilan hayot tarzlarini olib borish talab 
qilinadi. Ular so‘z erkinligiga ega bo‘lib, musulmon huquqida ruxsat 
etilgan amallarini bajarishlari mumkin bo‘ladi. Ammo jinoyatchi qo‘l 
urgan siyosiy jinoyati uchun darhol oddiy jinoyatchi kabi jazosini oladi. 
Siyosiy jinoyatchilar jamoa tashkil etish huquqiga egadirlar. Ammo 
bunda jamoa o‘z yo‘lboshchisiga ega bo‘lishi talab etiladi. Aks holda, 
jamoa tarqatilib yuborilishi mumkin.