Ahmedovich ahmedov, akmal abzalov

Abiotik va biotik komponentlar ta‘sirida tirik organizmning 
turli birikmalarining hosil bo‗lishi va bog‗lanishi  
 
Yorug‗lik  yashil  o‗simliklar  uchun  juda  zarur  bo‗lib,  fotosintez  natijasida 
yutilgan  yorug‗lik  energiyasi  kimyoviy  energiyaga  aylanadi.  O‗simliklarning 
o‗sishi  rivojlanishi  uchun  zarur  hisoblangan  organik  moddalar  hosil  bo‗lishida 
ishtirok  etadi.  O‗simliklarning  yorug‗likka  bo‗lgan  talabiga  qarab    quyidagi 
ekologik guruhlari farq qilinadi: 
1. Yorug‗sevar o‗simliklar (geliofitlar). 
2. Soyasevar o‗simliklar (ssiofitlar). 
3. Oraliq o‗simliklar (fakultativ geliofitlar). 

---

47 
 
1.  Yorug‗sevar  o‗simliklar  –  yorug‗lik  yetarli  bo‗lgandagina  normal 
o‗sishi, rivojlanishi mumkin. Bular soyaga chidamsiz bo‗ladi. Bu guruhga dasht 
va  cho‗l  zonalari  o‗simliklari,  o‗tloqlarda  o‗suvchi  yaltirbosh,  ariq  bo‗yi  va 
o‗rmonlarning birinchi yarusini tashkil qiluvchi baland bo‗yli daraxtlar, qirg‗oq 
va  suv  o‗tlari,  ochiq  yerlardagi  ko‗pchilik  madaniy  o‗simliklar  kiradi.  Ko‗p 
yillik o‗t o‗simliklarning efemeroid tiridagi hayot shakllari ham kiradi. 
2.  Soyasevar  o‗simliklar  yoki  soyada  o‗suvchilar  –  yorug‗lik  kuchsiz 
tushadigan  joylarda  o‗sadi.  Ular  kuchli  yorug‗likni  yoqtirmaydi.  Bularga 
o‗simlik  qoplamining  pastki  yaruslarida  o‗suvchi  turlar,  moxlar,  paporotniklar 
va tog‗ binafshasi misol bo‗ladi. Bundan tashqari, ko‗pchilik xona va o‗simlik 
jamoasining pastki yarusidagi o‗simliklar ham. Yorug‗sevar va soyasevar o‗sim-
liklarni  taqqoslab  qaralganda,  ularning  anatomiya,  morfologiya  hamda 
fiziologiyasida sezilarli farq borligini ko‗rish mumkin. 
3. Fakultativ geliofitlar  – yaxshi yorug‗lik tushib turganda yashaydi, lekin 
soyaga ham chidamli bo‗ladi. Bu guruhga asosan o‗rmon o‗simliklari kiradi. 
Bu 3 ekologik guruh, aniq bir chegaraga ega emas, chunki ularning orasida 
bir-biriga o‗tadigan shakllari bor. 
Turli geografik hududlarda yorug‗lik kunining uzunligi turlicha yoki aytish 
mumkinki,  kun  bilan  tunning  almashinishi  bir  xil  emas,  ammo  mo‘tadil  va 
sovuq  iqlimli  mintaqalarda  yoz  fasli  kun  uzun,  tun  qisqa,  qish  fasli  esa 
aksinchadir. Shuning uchun ham kunning uzun va qisqarishida moslashish kelib 
chiqadi.  O‗simliklarning  kunning  uzayishi  yoki  qisqarishiga  munosabati 
fotoperiodizm  deyiladi.  Boshqacha  aytganda,  o‗simliklar  generativ  rivojlani-
shining,  ya‘ni  gullashining  yoritilganlik  muddatiga  bog‗liqligi  fotoperiodizm 
deyiladi.  Fotoperiodizm  1920-yilda  Amerikalik  olimlar  Garner  va  Allard 
tomonidan  kashf  qilingan.  Ularning  kuzatishi  bo‗yicha,  tamaki  o‗simligi 
issiqxonada  bahorda  va  kuzda  gullagan,  lekin  ochiq  joyda  gullamagan,  bunga 
sabab  kunning  uzunligidir.  Issiqxonada  kunning  sun‘iy  qisqartirish  yo‗li  bilan 
tamaki  o‗simligi  gullagan.  Kuzatishlar  shuni  ko‗rsatadiki,  o‗simliklar  ma‘lum 

---

48 
 
darajada yorug‗lik va qorong‗ulik fazalarini o‗tkazgandan keyin gullash hamda 
urug‗lashga  o‗tadi.  Fotoperiodik  reaksiya  belgilariga  qarab,  o‗simliklar  3 
guruhga bo‗linadi: 
1. Qisqa kun o‗simliklari: bu o‗simliklarning gullash fazasiga o‗tishi uchun 
sutkada 12 soat yoki undan kamroq yorug‗lik vaqti kerak (kanop, tamaki). 
2. Uzun kun o‗simliklari: bularning gullash fazasida bir sutkada 12 soatdan 
ko‗proq  yorug‗lik  vaqti  kerak  (bizdagi  ko‗pgina  madaniy  va  yovvoyi 
o‗simliklar). 
3.  Fotoperiodik  reaksiyasi  bo‗yicha  neytral  o‗simliklar.  Bu  o‗simliklar 
uchun  kunning  uzunligi  gullash  fazasiga  o‗tishda  farq  qilmaydi.  Bu  guruhga 
pamidor, qoqio‗t kabi o‗simliklar kiradi. 
Yorug‗lik  spektrining  tarkibi  ko‗p  jihatdan  geografik  holatga  bog‗liq 
bo‗ladi.  Shimolda  yorug‗lik  intensivligi  kuchsiz  bo‗lib,  ammo  yoritilish  uzoq 
vaqt  davom  etadi,  asosan  uzoq  to‗lqindan  iborat  bo‗lgan  nurlardan  tarqalib 
tushadigan  yorug‗lik  ustunlik  qiladi,  janubda  esa  kun  qisqa.  Yorug‗lik 
intensivligi  yuqori,  qisqa  to‗lqinli  yorug‗lik  ustunlik  qiladi.  Demak,  shimolda 
o‗simliklar uzun kun, janubda qisqa kun sharoitida o‗sadi. 
Har  bir  tun  uchun  o‗zining  fotoperiodik  yoki  yorug‗lik  davri  xarakterli 
bo‗ladi: xrizantema uchun gullash fazasiga o‗tishda sutkasiga 14 soat 40 minut 
davomida yorug‗lik kerak, agar 13 soatu 50 minut davomida qabul qilinsa ham, 
g‗unchalar  hosil  bo‗lmaydi.  Fotoperiodik  reaksiya  ma‘lum  geografik  muhitga 
moslasha olishi bilan birga o‗simliklarning yer yuzida tarqalishida chegaralovchi 
omil  hamdir.  Ma‘lum  fotoperiodik  reaksiyali  o‗simliklar  ularga  to‗g‗ri 
kelmaydigan  yorug‗lik  miqdorida  o‗saolmaydi.  Kunning  uzunligi  shimoldagi 
uzun  kun  o‗simliklarining  janubda  tarqalishida;  janubdagi  qisqa  kun 
o‗simliklarning  esa  shimolga  tarqalishiga  xalaqit  beradi.  Neytral  fotoperiodik 
reaksiyaga  ega  bo‗lgan  o‗simliklar  keng  tarqalgan  bo‗lib,  tropik  o‗rmonlardan 
tortib to arktik rayonlargacha uchraydi. 

---

49 
 
O‗simliklarning  yorug‗likka  moslashishi,  o‗simliklar  yashaydigan 
muhitning yorug‗lik bilan ta‘minlanishi juda turli tumandir, chunki bizda baland 
tog‗,  cho‗l  dashtlariga  eng  yorug‗likka  boy  joylardan  tortib,  juda  qorong‗u 
g‗orlar, suv ostidagi muhitlar mavjud. Shu sababli, o‗simliklarning yorug‗likka 
moslashishi ham turlichadir. 
Geliofitlarning ekologik optimumi – yorug‗lik ko‗p bo‗lgan zonaga to‗g‗ri 
keladi. Stiofitlarniki esa yorug‗lik darajasi past bo‗lgan joylarga to‗g‗ri keladi. 
O‗simliklarda  yorug‗likka  moslashishni  barg  tuzilishida  ko‗rish  mumkin. 
Yorug‗  sevar  o‗simliklarning  barglari  yorug‗likdan  boshqa  tomonga  o‗zgarib 
tursa,  soyada  o‗sadigan  o‗simliklarda  barglar  quyosh  nuridan  maksimum 
darajada  foydalanadigan  holatda  turadi.  Buni  qalin  bo‗lib  o‗sadigan 
o‗rmonlarning  pastki  yarusida  o‗sadigan  o‗simliklar  misolida  ko‗rish  mumkin. 
Ular barg sathini daraxtlar orasidan tushadigan kuchsiz yorug‗lik tomon qaratib 
oladi. 
Yorug‗sevar  o‗simliklar  bargining  ustki  qismi  nurni  qaytarishga 
moslashgan,  yaltiroq  lak  bilan  qoplagandek  bo‗ladi.  Masalan,  magnoliya,  lavr 
o‗simliklari  kabi.  Boshqa  o‗simliklarda  barglar  tukchalar  bilan  qoplangan 
kserofit belgilariga ega bo‗ladi. Epidermisdagi kristallar nurni qaytaradi. 
Soyani  sezuvchi  o‗simliklarda  bunday  moslanishlar  bo‗lmaydi.  Bularda 
hujayra orasidagi bo‗shliqlar va katta og‗izchalar faqat bargning pastki qismida 
joylashgan  bo‗ladi.  Ma‘lum  ekologik  muhitda  o‗simliklarning  yashashi, 
fotosintez davom etishi va organik modda hosil qilishi uchun o‗simliklar kerakli 
darajada yorug‗lik nurini qabul qilishi kerak. Buning uchun bargning tuzilishi va 
o‗simliklar  jamoasining  yorug‗likka  moslashish  arxitekturasi  katta  ahamiyatga 
ega. 
Yorug‗lik  nurlariga  moslanish  uchun  o‗simlik  bargining  ichki  tuzilishi, 
to‗qimalari va boshqalar katta rol o‗ynaydi. Bular yorug‗lik miqdoriga qarab har 
xil  joylashadi.  Ma‘lum  miqdorda  yorug‗likni  qabul  qilish  uchun  barglarning 
quyosh  nuriga  nisbatan  joylanishi  muhimdir.  Yorug‗likka  moslashish 

---

50 
 
o‗simliklarda  barglarning  ko‗p  qavatli  joylashishi,  yaruslab  joylashishidir. 
O‗simliklarning  eng  yuqori  qismida  barglar  vertikal  shaklda  joylashsa, 
o‗rtarog‗ida egilibroq ,eng pastida esa gorizontal shaklda joylashadi.  
Hayvonlar  uchun  quyosh  nuri  yashil  o‗simliklar  kabi  muhim  omillardan 
biri  bo‗lib  hisoblanmasa  ham,  ularning  hayotida  spektrning  yorug‗lik  qismi 
muhim rol o‗ynaydi. 
Yorug‗likni  sevuvchi  hayvonlarga  fotofillar,  soyani  sevuvchi  hayvonlarga 
esa fotofoblar deb ataladi. Keng yorug‗lik diapazoniga moslashgan hayvonlar –