Agronomiya va biotexnologiya fakulteti

Nazorat savollari.

1. 
   Kimyolashtirishning hosildorlikka va hosil sifatiga ta’siri
   
2. 
   Agrokimyoning asosiy vazifalari
   
3. 
   Agrokimyoning muammolari nimadan iborat?
   
4. 
   Laboratoriya uslubini o’g’itlash tizimini yaratishda ahamiyati
   
5. 
   Dala tajribaning mohiyati nimada?
   
6. 
   Gumus nazariyaning asoschilari kimlar?
   
7. 
   Mineral oziqlanish nazariyaning asoschilari kimlar?
   
8. 
   Markaziy osiyoda agrokimyoviy izlanishlar va tavsiyalarning rivojlanishi?
   
9. 
   Agrokimyoning rivojlanishiga O’zbekistonlik oilmlarning qo’shgan hissasi?
   

15 MAVZU. O’SIMLIKLARNING KIMYOVIY TARKIBI VA OZIQLANISHI

Reja:

1. 
   O’simliklar tarkibida suv va organik moddalar miqdori.
   
2. 
   O’simlik tarkibidagi mineral moddalar miqdori makro va mikroelementlar.
   
3. 
   O’simliklarning sifatiy kimyoviy tarkibi. Oziqa elementlarni o’simlik hayotida ahamiyati
   
4. 
   O’simliklar tomonidan oziqa moddalarini olib chiqilishi, tabiatda moddalar aylanishi va balansi. O’simliklar hayotida ayrim elementlarning ahamiyati.
   
5. 
   O’simlik oziqlanishida ildiz sistemasini ahamiyati. Mineral moddalarning o’simlik o’zlashtiradigan shakllari.
   
6. 
   Oziq elementlarni yutilish qoidalari. Ion nasoslari va ion tashuvchilar qoidasi. Simport, antiport, pinositoz.
   

O’simliklarni kimyoviy tarkibi va hosil sifati o’simlik tarkibida suv hamda organik va mineral birikmalardan tashkil topgan quruq moddalar miqdoriga bog’liq. Ko’pchilik qishloq xo’jalik ekinlarining vegetativ organlaridagi suv miqdori 70-95 foizni tashkil etsa, bu ko’rsatgich ularning urug’larida 5 dan to 15 foizgacha bo’lishi mumkin. O’simlikdagi quruq modda bilan suvning nisbati doimo bir xil bo’lmaydi u o’simlik biologiyasiga, yoshiga va yetishtirilgan sharoitiga qarab o’zgaradi. Donli ekinlar donida 85-88 foiz quruq modda va 12-15 foiz suv bo’lsa, pomidor va bodringda 4-8 foiz quruq modda, 92-96 foiz suv, ildizmevalarda esa bu ko’rsatgichlar mos ravishda 20-25 va 75-80 ni tashkil etadi.

Qishloq xo’jaligida yetishtirilayotgan o’simliklar quruq moddasining 90-95 foizi organik birikmalar – oqsillar va boshqa azotli moddalar, uglevodlar (qandlar, kraxmal, kletchatka, sellyuloza, pektin moddalar) va yog’lardan, hamda turli xil mineral birikmalardan iborat.

31- jadval