Agronomiya va biotexnologiya fakulteti

Hozirgi kunda O’zbekistonda va Samarqand viloyatida tuproq unumdorligining pasayib ketishi va berilgan o’g’itlardan foydalanmaslikning bir necha sabablari mavjud:

1. 
   Tuproqdan o’simliklar tomonidan olib chiqib ketilgan oziqa elementlarini qaytarish azotda 60 – 70 %, fosforda 40 – 50 % va kaliyli deyarli qaytarilmayapti. Boshqa elementlar, masalan, tuproqlarimizga yetishmaydigan rux, marganes, bor, molebden va boshqa mikroelementlar umuman qaytarilmayapti.
   
2. 
   Obyektiv va subyektiv sabablarga ko’ra tuproqqa organik o’g’itlar juda kam berilishi sababli gumus miqdori kamayib borayapti va mineral o’g’itlar tarkibidan o’simliklarning oziqa elementlarini o’zlashtirish koeffisiyenti kamayib ketmoqda.
   
3. 
   Ishlab chiqarilayotgan fosforli o’g’itlar tarkibiy jihatdan ammafosga qaraganda sifatsiz va ulardan o’simliklar kam foydalanadi.
   
4. 
   Azotli o’g’itlarni asosan g’allaga yuza sepilishi natijasida azotning ko’p qismi yuvilishi va havoga uchib ketishi natijasida samaradorligi pasayib ketmoqda.
   
5. 
   O’g’itlarni qo’llashda tuproq tarkibidagi oziqa elementlar miqdori inobatga olinmasligi natijasida o’g’itlarni samaradorligi pasayib ketmoqda (Agrokimyo laboratoriyalari faoliyat ko’rsatmayapti).
   
6. 
   Yangi avlod mineral o’g’itlar NKFU, AFU o’rganilmasdan, sinovdan o’tkazilmay ishlab chiqarishga joriy etilmoqda. O’g’it sifati nazoratdan chetda qolyapti.