Адабиёт назариясига оид энг муҳим атамалар изохи

Трагедия(юн.эчки қўшиғи)-асар сўнггида воқеа, бош қаҳрамон қисмати фожеа билан тугайдиган саҳна асари. (М.Шайхзоданинг “Мирзо Улуғбек”)

ЛИРО-ЭПИК ЖАНРЛАР

1. 
   Достон (манзума, маснавий)-«васеъ майдон» (Навоий) бир неча сюжет тармоғига эга, ҳиссийлик ҳам бўртиб турадиган шеърий асар («Шайбонийнома», «Фарҳод ва Ширин»)
   
2. 
   Адабий достон-ҳиссийлик,воқеабандлик уйғун ҳолда берилган шеърий асар («Нидо», «Руҳлар исёни»)
   
3. 
   Баллада-кичик сюжетли, баланд кўтаринки руҳда ёзилган шеърий асар («Роксананинг кўз ёшлари», “Мардлик афсонаси”)
   
4. 
   Шеърий масал-мажозий образлар ҳаракати, воқеликка асосланган, қиссадан ҳисса чиқувчи шерий асар.
   
5. 
   Адабий эртак-халқ эртаги асосида ёзилган эртак.
   

ХАЛҚ ОҒЗАКИ ИЖОДИ ЖАНРЛАРИ
Қўшиқ-мустақил тўртликлардан тузилган, руҳий кечинмалар берилган, куйга солиб айтиладиган шеърий асар.
Мақол-халқнинг узоқ ҳаётий тажрибалари асосидаги лўнда, ихчам фикрлари (энг кичик жанр).
Латифа-ягона қаҳрамонга эга (Насридин-ХIХ а.) енгил кулги асосига қурилган асар.
Эртак (этук)-бошланиши ва тугалланиши бир хил, маиший, сеҳрли, ҳайвонлар ҳақида бўлувчи эпик жанр.
Аския-икки ёки кўпчилик томонидан айтилувчи, хозиржавоблик асосига қурилган асар.
Халқ достонлари­-наср ва назм тузилишига эга, бахшилар томонидан айтилувчи, маиший, қаҳрамонлик, тарихий мавзудаги асар.
Афсона-«ҳақиқатдан хабар берувчи ёлғон ҳикоят» (Арасту), орзу умидлар, тарихий воқеалар асосига қурилган ҳикоят.
Асотир-орзу ва истаклар ҳудо (маъбуда) ларга боғлаб ҳикоя қилинган асар.
Лоф-муболағага асосланган, кулгили кичик асар.
Топишмоқ-кичик бошқотирма жанр.