Қабул қилинган” Зангиота тхтб кенгаш йиғилиши Баённома № " " 2020 йил “Тасдиқлайман”

( Ш. Мирзиёев )
Ушбу ишларни амалга ошириш туман ХТБ томонидан ташкил этиладиган ташкилий қўмита томонидан олий ўқув юртлари ва жамоат ташкилотлари вакилларини кенг жалб қилган ҳолда бажарилади.
Мактабларда” “Кичик фанлар академияси методбирлашма рахбарлари, ўқитувчи ва ўқувчилар ташаббуси билан ташкил этилади. Ўқувчилар уюшган жамоасига “Кичик фанлар академияси”- деган юксак номни бериш унинг ташаббускор-ташкилотчиларининг тақдимномасига асосан мактаб педагогик кенгашнинг қарори билан амалга оширилади. “Кичик фанлар академияси”- деган юксак ном ташаббускор, ихтирочилик, илмий-тадқиқот ишларини олиб борадиган, ҳамда тажриба-синов ишларини бажара оладиган, ўзларининг доимий равишда олиб бораётган ижодий ишлари билан муайян натижа ва ютуқларга эришаётган замонавий, моддий базасига эга мактабнинг ўқувчилар уюшмасига берилади. Бу ишларни амалга ошириш Президентимиз таъкидлаганларидек “Бўлажак олим” танловига мустахкам пойдевопр бўлади
“Инновацион ривожланиш вазирлиги, Олий ва ўрта махсус таълим вазирлиги, Халқ таълими вазирлиги 2021 йилдан бошлаб мактаб ўқувчилари ва олий ўқув юртлари талабалари ўртасида “Бўлажак олим” танловини ташкил қилсин.” Ш. Мирзиёев
“Кичик фанлар академияси” ўз номи, рамзи (эмблема) ва ўз шиорига эга бўлади. “Кичик фанлар академияси” мактабнинг 2-11 синф ўқувчиларининг умумий йиғилишида қабул қилинади ва мактаб педагогика кенгашида тасдиқланади “Кичик фанлар академияси” ўз фаолиятини ушбу низом ва мактаб педагогларининг умумий рахбарлиги остида амалга оширади.
Юқорида баён этилган эзгу мақсадларни амалга ошириш учун қисқача баён қиладиган бўлсак “Қалб ойдинлигидан ақл равшанлиги сари” деб номланувчи “Келажак олимлари”нинг “Кичик фанлар академияси”ни ташкил қилишга қарор қилинди.


I Умумий бўлим
Зангиота тумани мактаб ўқувчиларининг “Кичик фанлар академияси” ўзининг маълум йўналишдаги илмий билимини, ўз салоҳиятини юқори даражага кўтаришни истаган, изланувчан, интилувчан, илмий-тадқиқот ишларини олиб боришга қизиқувчан ўқувчиларнинг ихтиёрий-ижодий ҳамкорлик ташкилотидир.
“Кичик фанлар академияси” ўқувчиларнинг ёшлик чоғидан бошлаб уларда бадиий санъатга, техник ижодга бўлган муносабатини юқори даражага кўтаришга, атроф мухитни тўғри англаш қобилиятини ривожлантиришга ундайди ва тадқиқодчилик йўналишида билм ва малака компетенцияларини шакллантиради .
Мактабдаги “Кичик фанлар академияси”-бу илмий соханинг турли йўналишида ўз билм ва малакаларини такомиллаштиришни истаган, ўз илмий салохиятини ривожлантиришни хохлаган, интилувчан ўқувчи ёшлар иттифоқидир.
“Кичик фанлар академияси”нинг асосий вазифалари қуйидагилардан иборат:

• 
  ўқувчиларнинг илмий-тадқиқод ишларига бўлган қизиқиш ва мойилликларини эрта аниқлаш;
  
• 
  ўқувчиларнинг ижодий фаоллигини ошириш ва илмий-тадқиқот йўналишдаги билм ҳамда кўникмаларини ривожлантириш;
  
• 
  ўқувчиларда мантиқий, назарий ва ижодий фикрлашни ривожлантириш учун шароит яратиш;
  
• 
  илм-фан оламига кириш учун болалар ва катталар ўртасида илмий-тадқиқот ишлар ҳамдўстлигини (жамиятини) ташкил қилиш;
  
• 
  “Кичик фанлар академияси”нинг фаолиятини ўқувчиларнинг ўз иқтидорларини намойиш қила оладиган платформаси сифатида ташкил қилиш;
  
• 
  юқори интеллектга эга, маънавий маданияти юқори бўлган ШАХСни тарбиялаш.