Абдусаломова М

«FIZIKA» fanidan
TA’LIM TEXNOLOGIYASI

Kirish

«Fizika» fanidan ta’lim texnologiyasi uslubiy qo‘llanmasida bayon etilgan dars mashg‘ulotlarida yangi texnologiyalarni qo‘llash asosida ishlab chiqilgan.

Talabalarga bilim berishda zamonaviy ta’lim texnologiyalarining ahamiyati muhimdir.
Qo‘llanmada keltirilgan ta’lim texnologiyalarining har biri o‘zida o‘quv mashg‘ulotini o‘tkazish shart-sharoiti to‘g‘risida axborot materiallarini, pedagogik maqsad, vazifa va ko‘zlangan natijalarni, o‘quv mashg‘ulotning rejasi, o‘qitishning usul va vositalarini mujassamlashtirgan.
Qo‘llanma tarkibi kirish, ta’lim texnologiyasining konseptual asoslari, mavzu bo‘yicha ma’ruza, amaliy va laboratoriya mashg‘ulotlarida o‘qitish texnologiyasidan iborat. Ma’lumotlar umumlashtirilgan va tartibga solingan. Ularni o‘zlashtirish va yodda saqlab qolishni kuchaytirish uchun jadval va chizmalardan foydalanilgan.
Qo‘llanmaning konseptual asoslari qismida «Fizika» fanining dolzarbligi va ahamiyati, mazkur o‘quv fanining tarkibiy tuzilishi, o‘qitishning usul va vositalarini tanlashda tayanilgan konseptual fikrlar, kommunikatsiyalar, axborotlar berilib, so‘ngra loyihalashtirilgan o‘qitish texnologiyalari taqdim qilingan.

1. 
   Quyidagi turdagi ma’ruza mashg‘ulotlari kirish ma’ruza, mavzu asosida ma’ruza, muammoli ma’ruza, vizuallashtirilgan ma’ruza, yakunlovchi ma’ruza, sharhlovchi ma’ruza berilgan.
   
2. 
   Amaliy, laboratoriya mashg‘ulotlarni olib borishning topshiriqlarni individual tarzda, guruhda bajarilishi vaziyatli ishlanma har xil usullar, nazariya asosida bilimlar va ko‘nikmalarni chuqurlashtirish va kengaytirishga yo‘naltirilgan amaliy topshiriqlar berilgan.
   

Hozirgi kunda jahon tajribasidan ko‘rinib turibdiki, ta’lim jarayoniga o‘qitishning yangi, zamonaviy usul va vositalari kirib kelmoqda va samarali foydalanilmoqda. Ta’lim texnologiyasini ishlab chiqish asosida aynan shu talablar yotadi.