Abbatisa – ayollar katolik monastirlarining boshqaruvchilari. Abbatlik

Jandarmeriya – Fransiyada Karl VII (1422-1466) davrida qirol qoʻshinidagi otliq qoʻshinlar qismi. 1445-yilda qirol muntazam armiya tashkil qilish jarayonida 15 ta ordonans qismlarini (rota) tuzgan. Har bir qismga J. deb ataluvchi 100 ta ogʻir qurollangan otliq zodagonlar (dvoryanlar) kirgan.
“Jannat akti” yoki “Jannat kitobi” – 1257-yilda Bolonya shahar kengashi (kommuna) tomonidan qabul qilingan hujjat. Ungacha 1256-yilda Bolonyada feodallar hamma qullarini sotish haqida qaror qabul qilingan edi. Ushbu rasmiy qaror 1257-yilda tantanali tarzda mashhur 15 indikt dekretida e’lon qilindi va zamondoshlari uni “J.A.” deb atashdi. Bolonya kommunasi hududida qullik va qaramlik bekor qilinganligi uchun ham shu nomni oldi.
Jentrilar – XV asrning 2-yarmi – XVII asrlarda Angliyada oʻrta va mayda dvoryanlar boʻlib, ular “yangi dvoryanlar”ning asosiy tarkibiy qismini tashkil qilishgan. J. dvoryanlik unvoni boʻlmagan va pyer va yomenlar oraligʻidagi mavqeni egallagan. Shunga koʻra J. maqomi merosiy boʻlmagan va djentelmencha hayot tarzi kechirishga va oʻz okrugida katta obroʻ uchun asos boʻluvchi yetarli miqdorda yer-mulk sohibi boʻlganlar shu maqomni qoʻlga kiritishlari mumkin boʻlgan. Shuning uchun ham J. safi boyigan dehqonlar va shahar burjuaziyasi hisobiga koʻpayib borgan.
Jitiya – Bolgariya va Serbiyada yirik siyosiy arboblar hayoti yoritilgan yozma manbalar.
Jonglyor (lot.joculator – qiziqchi, masxaraboz, ovuntiruvchi) – Fransiyada X asrdan boshlab daydi qoʻshiqchi, musiqachi, aktyor-deklamator, koʻzboylogʻich, sehrgar, xoʻqqavoz, darvoz-akrobat, ayiq va maymun oʻynatuvchi, fablio, qahramonlik qissalari va dostonlarini hikoya qiluvchilar. J.larning koʻpchiligi qobiliyatli shoir-trubadurlar boʻlib, viola yoki arfaga joʻrlik qilgan. J.lar koʻchalarda, shahar maydonlarida, yarmarkalar, cherkov portallarida, qal’alarda (asosan turnirlar, toʻy va tantana kunlarida) chiqishlar qilishgan. XI asrdan boshlab J.lar qal’a va monastirlarda doimiy istiqomat qilib qola boshladilar. J.lar Angliyada, Italiya va Ispaniyada ham boʻlib, bu yerda ularni gistrionlar (xuglar), Germaniyada boʻlsa shpilmanlar deb atashgan.
Jupan – janubiy slavyanlarda bir-necha urugʻ birlashmasi alohida okruglarga boʻlingan. Bunday okruglar jupanlik va ularning boshligʻi J. nomi bilan atalgan.