Abbatisa – ayollar katolik monastirlarining boshqaruvchilari. Abbatlik

Kalmar uniyasi – 1397-yilda Shveytsiyaning Kalmar shahrida imzolangan Skandinaviya davlatlarini Daniya qiroli hukmronligi ostida siyosiy jihatdan birlashtirilishi haqidagi shartnomaga asosan tuzilgan davlatlar (Daniya, Norvegiya va Shvetsiya) birlashmasi. Xuddi shu yili uniya tuzishning tashabbuskori boʻlgan Mariya Datskayaning jiyani Erik Pomeranskiyga umumskandinav qiroli sifatida toj kiydirildi. Urush holatida uniya ishtirokchilari yagona davlat sifatida urushga kirgan, lekin davlat mahkamasida mustaqillikni saqlab qolgan. K. u.ni toʻliq shakllantirish samara bermadi. Huquqiy jihatdan uniya Shvetsiyaning undan chiqishi bilan (1523) tugadi. Daniya-Norvegiya uniyasi 1814-yilgacha yashadi, amalda Norvegiya Daniyaning mustamlakasiga aylangan edi.
Kalvinizm – protestantlik oqimlaridan biri boʻlib, asoschisi J.Kalvin hisoblanadi. “Dunyoviy asketizm”ni va cherkovning respublika tuzilmasini targʻib qilgan.
Kamerariy – franklar davlatida qirollik xizmatchisi boʻlib, u qirollik gʻaznasi tushumlarini va saroy mulklari saqloviga mas’ul boʻlgan.
Kamiza – uzun yengli tunikaga oʻxshash ayollar va erkaklar ichki kiyimi. K.ni ham ichki kiyim, ham koʻylak deb hisoblash mumkin. U polotnodan (qalin gazlama) tikilgan, kamar bilan birga kiyib yurilgan.
Kamornik – oʻrta asr serb davlatida qirol gʻaznasi boshligʻi.
Kandoma – VII-X asrlarda Italiyadagi katta oila. K.ga uch avlod qarindoshlar va ozod boʻlmagan kishilar kirgan. K.lar uyga, haydaladigan yerga, uzumzorga, koʻchar va koʻchmas mulkka, shuningdek chorvaga ega boʻlgan.
Kannibalizm – antropofagiya, odamxoʻrlik. Salib yurishlari oldidan Yevropadagi ketma ket ocharchilik va hosilsizlik yillari oqibatida ba’zi hududlarda shu kabi holatlar kuzatilganligi keltiriladi. K. soʻzi Kolumbgacha Bagam orollarida yashovchi “kaniba” elati nomidan kelib chiqqan deb koʻrsatiladi. X.Kolumb sayohatlarida shu hududlarda istiqomat qiluvchi ayrim qabilalar orasida K.ning guvohi boʻlgan.