Abbatisa – ayollar katolik monastirlarining boshqaruvchilari. Abbatlik

Skomarlar – VI asrda Vizantiyada qoʻzgʻalon koʻtargan qullar va kolonlarni quldorlar shunday atashgan.
Skrelinglar (eski.norv.) – skandinav xalqlari tomonidan Grenlandiya va Shimoliy Amerika tub joy aholisiga berilgan umumiy nom. Vinland sagalarida Yangi Dunyoning qizil tanli aholisi (aftidan hindular) shu nom bilan tilga olinadi.
Skriptoriy (lot. skriptor – mirza, kotib, nusxa koʻchiruvchi) – monastirlarda qoʻlyozmalardan nusxa koʻchiruvchi ustaxona. Birinchi S.lar Janubiy Italiya, Fransiya, Irlandiya va Ispaniyada VI-VII asrlarda tashkil qilingan. Buyuk Karl davrida Grigoriy Turskiy tomonidan Alkuin abbat boʻlgan Muqaddas Martin monastirida tashkil qilingan. Dastlab monastirda ishlar eski tartib boʻyicha tashkil qilingan edi va shuning uchun bir kishi tomonidan aytib turilgan, bir necha xattot tomonidan yozib borilgan. Yozuv ashyosiga (qogʻoz, teri, mato va boshqalar) stol boʻlmaganligi sababli choʻkkalagan holda yozilgan. V asrdan boshlab monastirlarda stollar paydo boʻlgan. Koʻchirilgan kitoblarga tasvirlar tushirish qat’iy tartibga asoslanmagan. VIII–IX asrlarga kelib kitobga rasm chizish qat’iy tartib asosida olib borilgan. XIII asrda S.lar inqirozga uchraydi. Sababi kitob nashr qilish ishlari bilan keng miqyosda shahar hunarmandlari shugʻullana boshlashgan.
Sleys – Niderlandiyadagi (oʻrta asrlarda Flandriya) port shahar boʻlib, unda 1340-yil 24-iyunda “Yuz yillik urush” ning birinchi yirik dengiz jangi boʻlib oʻtgan. Unda inglizlar fransuzlar flotini magʻlub qilishib, dengizda nazorat oʻrnatishadi va Normandiya sohillariga desant tushirishgan. Mazkur jangda fransuzlar deyarli butun flotidan (taxminan 200 ta kema) ajralgan. Shu gʻalaba sharafiga Angliyada bayram oʻtkazilib, tanga zarb qilingan.
Smerd – IX-XIV asrlarda Rusda dehqonlar toifasi. Avval qishloqning erkin jamoa a’zolari (xolopdan farqli ravishda) boʻlgan S.lar vaqtlar oʻtishi bilan knyazga qaram dehqonga aylangan.
Smitfild dasturi – Angliyada Uot Tayler boshchiligidagi dehqonlar qoʻzgʻaloni vaqtida Kent va unga tutash grafliklar dehqonlarining ishlab chiqqan dasturi. Qoʻzgʻalonchilar oʻzlarining yangi talablarini 1381-yil 15-iyunda Smitfildda qirol bilan ikkinchi uchrashuvlarida topshirishgan. Unda “Mayl end dasturi” dagi talablarga nisbatan kengroq talablar berilgan edi: cherkov yerlarini musodara qilish va yersizlarga tarqatish, yepiskoplikni bittagacha qisqartirish, villanlikni va toifaviy tafovutni bekor qilish kabilar.