Abbatisa – ayollar katolik monastirlarining boshqaruvchilari. Abbatlik

Roman tillari (Romanus – Rimga oid) – hind-yevropa tillar oilasining italyan shahobchasiga kiruvchi va genetik jihatdan umumiy bir ajdod – lotin tiliga mansub tillar va dialektlar. Ushbu tilda soʻzlovchilar romanlar deb atalgan.
Roman uslubi, romanika (lot. romanum – Rimga xos) – X-XII asrlarga xos umumyevropa san’at yoʻnalishi. Atama XIX asrda paydo boʻlgan va XI-XII asrlarda qurilgan me’morchilik inshootlari uchun qoʻllanilgan. R.U.da qurilgan inshootlar antik Rim me’morchilik inshootlari uslublaridan foydalanganliklari uchun shu nom bilan atalgan. R.U.gi inshootlarning asosiy koʻrinishi toshdan qurilgan ibodatxona va monastirlarda yaqqol koʻringan. Ular qalin devorlar bilan oʻralib, oʻziga xos qal’ani eslatgan. Shu bilan birga ular tor tuynuklar, yarim aylana arklar bilan ajralib turgan. R.U.dagi eng koʻp me’morchilik inshootlari Fransiya va Germaniyada qurilgan. Undan tashqari, Italiya, Angliya va Ispaniyada ham R.U.dagi ibodatxonalar mavjud. Ular orasida eng mashhurlari sifatida Klyuni va Puate soborlarini koʻrsatishimiz mumkin.
Romey – gʻarb tarixiy adabiyotlarida Sharqiy Rim imperiyasining nomi. Chunki Vizantiya imperiyasi degan nom gʻarbiy yevropalik tarixchilar asarlarida u qulagandan keyin paydo boʻlgan. Vizantiyaliklar oʻzlarini rimliklar – yunoncha “romeylar”, oʻz davlatini R. deb ataganlar.
Ronkal qarorlari (1158-y) – Imperator Fridrix I Barbarossa tomonidan chaqirilgan Ronkal shahridagi seym qarorlariga nisbatan aytilgan. Unda Shimoliy Italiya shaharlari ustidan imperatorning hukmronligini tan olish masalasi koʻrib chiqilgan. R.Q.ga koʻra, imperator Shimoliy Italiyada koʻplab regaliyalarga, jumladan tanga pul zarb qilish, len yerlarini tarqatish, oliy yuridiksiya va boshqalarga ega boʻlgan. 1183-yildagi Konstans tinchlik shartnomasi R.Q.ning katta qismining bekor qilinishiga olib kelgan.
Ronkal seymlari – XI-XII asrlarda “Muqaddas Rim imperiyasi” yirik feodallarining Ronkal vodiysida (Shimoliy Italiyada, Pyachens yaqinida) tashkil qilgan syezdlari. R.S.da papa va shaharlar vakillari ishtirok etishib, ular urushlar va tinchlik masalalarini muhokama qilishgan, soliqlar joriy qilgan va yangi qonunlar qabul qilishgan.