Abbatisa – ayollar katolik monastirlarining boshqaruvchilari. Abbatlik

Rum yoki saljuqiylar (Koniy, Ikoniya) sultonligi – Kichik Osiyodagi XI asr oxiri–XIV asr boshlaridagi turk-musulmon davlati. 1071-1081-yiilarda saljuqiylar tomonidan Sulaymon ibn Kutulmish boshchiligida R.S.ning nisbatab qudrat tepasig chiqish davri XIII asr 1-yarmiga – sultoni Olovuddin Qayqubod (1219-1236 yy.) hukmronligi davriga toʻgʻri kelib, Anadoludagi barcha turk qabilalari uning qoʻl ostida birlashtirildi. Moʻgʻullarning Oʻrta Osiyoga yurishlari oqibatida Movorounnahr, Eron, Balx, Xuroson kabi yerlarda yashab ijod etgan koplab olimu-fuzalolar R.S.dan panoh topganlar. Aynan shu davrda sultonlik tasavvuf markaziga aylangan. 1243-yil 26-iyulda Kyosedag jangida moʻgʻullar tomonidan magʻlubiyatga uchragach R.S. ularning vassaliga ostiga tushdi. Mustaqillikning yoʻqolishi bilan sultonlikda asta-sekin tanazzul boshlandi va 1307-yilga kelib u bir qancha beyliklarga parchalanib ketdi. Sultonlikning gʻarbida joylashgan Usmon beyligi 14-asr boshlarida tuzilgan Usmonlilar davlatining poydevoriga aylandi.
Runlar, run yozuvi, run belgilari (qad.isl. sir) – qadimgi german alfavit yozuvidagi belgilar (I-II asrlarda paydo boʻlgan). Keyinroq germanlar tomonidan Skandinaviya, Britaniya va Islandiyaga olib borilgan. R. toʻgʻri vertikal va qiyiq (uchburchak) chiziqlardan iborat. R. yozuvlari sehr (magiya) yozuvlarida ham foydalanilgan, ularning ta’sirdorligini kuchaytirish uchun ba’zan uni qon bilan chizishgan yoki boʻyashgan.
Ruodlib – oʻrta asrlarda, taxminan 1150-yillarda lotin tilida yozilgan nemis xalqining romani. Romanning qahramoni yosh ritsar R. boʻlib, unda dastlabki kurtuaz motivlar tilga olingan.
Ryadovichlar – Kiyev Rusida feodal bilan shartnoma – “ryad” tuzish orqali qaramlikka tushib qolgan smerdlar qatlam. Shundan boshlab R. amalda xojayin uchun ishlagan va unga itoat etgan.
Ryasa (yunon.rason – eskirgan, toʻzgʻigan) – oʻrta asrlar davri rohiblari va ruhoniylarning uzun yengli, kundalik, ustki kiyimlari. R. odatda qora rangli boʻlishi talab qilingan. Shu bilan birga jigarrang, toʻq sariq, oq va boshqa ranglarda ham boʻlishi mumkin edi. R.ning rangiga qarab monaxlarning qaysi ordenga aloqadorligini aniqlash mumkin boʻlgan.