Abbatisa – ayollar katolik monastirlarining boshqaruvchilari. Abbatlik

Marka (nem. marke – chegara, chegaradagi viloyat) – 1) Qadimgi germanlarda dastlab qishloq yoki hududiy jamoani anglatgan. Ular bir oilaga yoki bir nechta oilaga tegishli. Uning tarkibida yaylov, oʻrmon va boshqalar kirgan; 2) Franklar davlatida VIII-IX asrlarda va “Muqaddas Rim imperiyasi”da chegarada tashkil qilingan ma’muriy birlik boʻlib, ularni markgraflar idora qilishgan. Ular asosan, harbiy maqsadlarda tashkil qilingan. Buyuk Karl va uning vorislari davrida Ispan, Bretan, Sharqiy va boshqa nomlar bilan atalgan M.lar mavjud boʻlgan. Koʻplab M.lar X–XII asrlarda slavyanlar yerlari egallanishi bilan ham tashkil qilingan.
Markgraf (nem. markgraf – marka grafi) – 1) VIII-IX asrlarda franklarning karolinglar boshqaruvi davrida chegara viloyatlarga yuborilgan amaldorlar boʻlib, ular markalarni boshqargan. Mansab Buyuk Karl tomonidan joriy qilingan. M.larga katta huquqlar berilgan. Birinchi oʻrinda harbiy qism tashkil qilishi va uning yordamida chegaralarni himoya qilishlari kerak boʻlgan. Ular graflardan kattaroq va gersoglardan quyiroqda turishgan; 2) Germaniyada oʻrta asrlar davrida feodal knyazlar tushinilgan. Mas. Brandenburg, Moraviya, Meysena, Sharqiy va boshqa M.liklarni koʻrsatish mumkin.
Markiz – franklar davlatida strategik muhim chegara viloyatlari boshqaruvchilari boʻlgan markgraflarning ikkinchi nomlanishi. X asrdan boshlab Fransiya va Italiyada yirik feodallar ham shu nom bilan atalgan. Unvon jihatidan gerzog va graf oraligʻida turgan. Ular oʻzlarining holatiga koʻra graf va gersoglarning orasidagi tabaqa sifatida tushinilgan. XI-XV asrlarda Fransiya, Italiya, Angliya, Ispaniya va Portugaliyada feodallarning vorisiy qatlamini tashkil qilgan.
Marshal (nem. marah – ot va scalc – xizmatkor) – franklar davlatida otlarga qarab turuvchi qirol xizmatkori. XII asrdan boshlab Fransiyada konnetabllarning oʻrinbosarlari sifatida qirolni qoʻriqlab yuruvchi otliq askarlar boshligʻi tushunilgan. Filipp II Avgust davrida Fransiyada M. unvoni joriy qilindi. XIII asrdan boshlab M. qirol qoʻshinidagi ma’lum bir qismni boshqargan. Keyinroq M.lar yirik senorlardan tanlab olingan va asta-sekin M.larning soni ortib borgan.