Abbatisa – ayollar katolik monastirlarining boshqaruvchilari. Abbatlik

Kapnikon – Vizantiyada saroy soligʻi, hatto yersiz dehqonlardan ham undirilgan.
Karakka – XIII-XVI asrlardagi katta savdo va harbiy kemalar. Suv sigʻimi hajmi 2000 tonnagacha (koʻpincha 800-850 t) boʻlgan. Uchtagacha palubaga ega boʻlgan ushbu kemalar asosan uzoq ummonda suzishda foydalanilgan. Harakatlar ogʻir boʻlgan ushbu kemalar, tezkorlik bobida ham maqtana olmas edi. Harbiy K.lar bortida koʻplab zambaraklar hamda eshkakli jang va desant tushirish uchun dengiz piyoda otryadiga ega boʻlgan. Ushbu kemalar genuyaliklar tomonidan yaratilgan.
Karavella – XIII-XVII asrlarda foydalanilgan uch-toʻrt machtali bir palubali kema. Chidamliligi, tezkorligi va harakatchanligi bilan ajralib turgan. XV asrgacha suv sigʻimi hajmi 20 tonna boʻlgan. Ushbu tipdagi kemalardan avval italyanlar, soʻngra ispan va portugallar (asosan uzoq ekspeditsiyalar maqsadida) foydalanganlar. M: Xristofor Kolumb dastlabki ekspeditsiyasida uchta K. suzgan. Oʻrtacha 22 km soat tezlik bilan harakat qilgan.
Kardinallar (lot.cardinals – asosiy) – katolik cherkovi iyerarxiyasida papadan keyingi ikkinchi darajadagi mansab. Ushbu mansab VI asrdan boshlab joriy qilingan. Bu paytda asosan e’tiqod ishi bilan mashgʻul boʻlgan papalar Rimga yaqin boʻlgan yettita shaharga yepiskop sifatida K.ni yuborish amaliyoti qoʻllay boshlaydi. Shu tariqa K.-yepiskoplar paydo boʻladi. Vaqtlar oʻtishi bilan papalar ham e’tiqod ishida, ham ma’muriy ishlarida yordamchi sifatida Rim presviterlari va dyakonlarini jalb qila boshladi. Bular katolik ruhoniylar iyerarxiyasida mahalliy yepiskoplar, presviter va dyakonlardan yuqori turgan. Asta-sekinlik bilan K. papa atrofidagi asosiy shaxsga aylanib borib, papalar bilan birga katolik cherkovining barcha jabhalarini boshqara boshladi. Agar avval boshda K. faqatgina italyanlardan olingan boʻlsa, papa Lev IX davridan boshlab ularning safiga xorijliklar ham olina boshlandi. 1059-yilda papa Nikolay II yangi papani saylash tartibini oʻrnatdi, unga koʻra papa K.-yepiskoplar (keyinroq ularning kollegiyasiga K.-presviterlar va kardinal-dyakonlar qoʻshildi). K. lavozimi oʻrta asrlar davridan boshlab to hozirgi kungacha faqatgina Rim papalari tomonidan tayinlangan.