Abbatisa – ayollar katolik monastirlarining boshqaruvchilari. Abbatlik

Vassallik – feodallar oʻrtasidagi ierarxik munosabatlar tizimi. Germanlarning Gʻarbiy Rim imperiyasi hududiga joylashishi natijasida shakllangan. V.ning toʻliq rivojlanishi X-XII asrlarda yuz bergan. Vassalning feodaldan erkinligi “syuzeren” tartibi asosida amalga oshiriladi. Yirik feodallarning bir birlariga V. tizimi qiroldan boshlanib, baronlar va gersoglarni qamrab olgan. Senorlar bir yilda 3 marta oʻz vassallarini yigʻib, kengash oʻtkazgan. Bu kengashlar asosan, yirik bayramlar arafasida toʻplangan. Mas. Pasxa, Rojdestvo va Troisa bayramlarida eng koʻp kengashlar chaqirilgan. Vassal albatta harbiy xizmat oʻtashi shart boʻlgan va uning bir yillik muddati 30 kundan 40 kungacha boʻlgan. XIII-XIV asrlarda monarxiyaning kuchayib borishi natijasida V.ning qirolga nisbatan kuchayishi doimiy ravishda faollashib borgan.
Velflar – nemis feodal knyazliklari avlodi. Germaniyaning oʻrta asrlar davrida katta mavqeyiga ega boʻlish-gan. XI-XII asrlarda ular Bavariya, Saksoniya va Braunshveyg yerlariga egalik qilishgan. XII asrdan Germaniyadagi siyosiy hokimiyat uchun Shtaufenlar sulolasi bilan kurashga kirishgan. Ularning Shtaufenlar bilan kurashi Italiya masalasida ham yuz bergan. (Gvelflar)
Velzerlar – nemis savdo va bank egalarining yirik kompaniyasi. Velzer savdo firmalari bosh idorarasi Augsburgda joylashgan. XV asr 70-yillarida V. Tirol bilan kumush savdosini olib borishgan. Oʻrtayer dengizi havzasi bilan import masalasida aloqa qilishgan. XV-XVI asrlarda V. firmasi Janubiy Gʻarbiy Germaniyada savdo masalasida Fuggerlar oilasidan keyin ikkinchi oʻrinda turgan.
Vendetta (qonli qasos) (ital..lot. qasos, xun) – Italiyada urugʻlar oʻrtasidagi roʻy bergan qonli qasos, odatda u raqib urugʻ toʻliq qirib bitirilgandan keyingina toʻxtagan. Kelib chiqishi ibtidoiy davrga borib taqaladi. Qasos oʻrta asrlarda Italiyadan tashqari Skandinaviya mamlakatlari, german xalqlari orasida va bu madaniyatlar vakillari yashaydigan mamlakatlarda keng tarqalgan edi. “V” soʻzi, asosan, Sardiniya va Korsika orollarida qonli xun tarzida qoʻllanilib, hatto XX asr boshlarida ham kuzatilgan.