Abbatisa – ayollar katolik monastirlarining boshqaruvchilari. Abbatlik

Spisok (roʻyxat, daftar) – ilmiy adabiyotlarda qoʻllaniladigan atama boʻlib, u haqiqiy qoʻlyozmadan koʻchirilgan birinchi nusxani bildirgan. Undan tashqari keyinchalik qoʻlyozmaning boshqa nusxalari va hujjatlar ham S. deb nomlangan.
Statut (ingl. qaror qilaman) – 1) oʻrta asrlar Yevropa shaharlari va shahar ichidagi turli xil birlashmalarning (sex, gildiya) huquqiy holatini mustahkamlovchi nizomlar; 2) Angliyada S. (tor ma’noda) uchta institutlar – monarx, umum va lordlar palatalari tomonidan qabul qilingan aktlar tushuniladi.
Statxauder (goll.stad – joy, shahar va houder – xoʻjayin, sohib) – Niderlandiyada XV-XVI asrlarda hukmdor noibi (shtatgalter). Keyinroq Burgundiya va Gabsburglar sulolasida noiblar shunday nomlangan.
Stefan Dushan qonunnomasi –Stefan Urosh IV Dushan (1331-1346-yillarda Serbiya qiroli, 1346-1455-yillarda serblar va yunonlar hukmdori (imperatori)) hukmronligi davrida yaratilgan, serb oliy diniy va dunyoviy zodagonlarining 1349-yil 21-maydagi yigʻilishida (sobor) qabul qilingan va 1354-yil 31-avgustdagi soborida qoʻshimchalar qoʻshilgan huquqiy normalar toʻplami. Yangi huquqiy vaziyatlar paydo boʻlishi bilan vaqti-vaqti bilan qoʻshimchalar kiritilgan. S.D.Q.ning asl nusxasi saqlanmagan. U qadimgi serb tilidagi 201 ta moddadan iborat boʻlib, yagona huquq tizimini yaratishga yordam berdi. Unda toifalar oʻrtasidagi munosabatlar, sudlov masalalari, jinoyatchilikka qarshi kurash kabilar tartibga solingan. Mas. 1-38-moddalarda cherkov majburiyatlari va huquqlari, 39-62-moddalarda imtiyozli tabaqalarning huquq va majburiyatlari keltirilgan.
Stelling qoʻzgʻaloni – 841-843-yillarda Saksoniyada boʻlib oʻtgan yirik dehqonlar qoʻzgʻaloni. Unda asosan frilinglar (erkin dehqonlar) va litlar (yarim erkin dehqonlar) ishtirok etishgan. Qoʻzgʻalon feodal tartiblarning oʻrnatilishiga qarshi boshlangan. Ularning shiori feodal tartiblarga qadar boʻlgan tartiblarni qayta tiklash edi. Sakslar mamlakatda franklarning diniy va dunyoviy feodallari bilan aralashib ketishi natijasida “S.Q.” qatnashchilari “Eski qonun farzandlari” deb nomlangan va Lyudovik Nemis tomonidan shavqatsizlik bilan bostirilgan.