Abbatisa – ayollar katolik monastirlarining boshqaruvchilari. Abbatlik

Sterling yoki penni – XII asr oxirlarida Angliyada zarb qilingan va muomalaga kiritilgan kumush tanga. XIV asr oxirlarida muomaladan chiqarilmagan holda “funt S.” nomi bilan almashtirilgan.
Stoun – ogʻirlik oʻlchovi birligi. 1 stoun=14 funt=6,35 kg.
Strateg – Vizantiyada harbiy boshliq, femlar, voyevodalar, boshligʻi.
Stratiotlar – Vizantiyada asosan, oʻz otlari va qurollari bilan kelishi talab qilinadigan, erkin dehqonlar va varvarlardan tashkil qilinadigan armiya. S. femlarning harbiy kuchlarini tashkil qilgan. Ular harbiy xizmati evaziga davlatdan yer (stratiy) olgan. Bunday yerlar faqatgina harbiy xizmatning davomiyligi sabab avloddan avlodga oʻtishi mumkin boʻlgan. Ular yer soligʻidan tashqari barcha soliqlardan ozod qilingan. Imperiyadagi feodallashuvning kuchayishi natijasida XI asrdan boshlab S. qashshoqlasha boshlagan. S.ning bir qismi qaram dehqonlarga aylangan boʻlsa, qolgan qismi ogʻir qurollangan otliq qoʻshin (katafraktariy) ga aylangan.
Suasson – Luara va Siyena daryolari oraligʻida joylashgan viloyatning markazi boʻlib, uning yaqini-da 486-yilda Galliyadagi oxirgi Rim noibi Siagriy qoʻshinlari bilan frank qabilalari sardori Xlodvig I qoʻshinlari oʻrtasida yirik jang boʻlib oʻtgan. Jangda yengilgan Siagriy Tuluzaga chekinadi va Xlodvigning talabi bilan 487-yilda vestgotlar tomonidan qatl qilingan. Siagriyning oʻlimi bilan rimliklarning Galliyadagi hukmronligi ham tugaydi va franklar hukmronligi boshlangan.
Sulolaviy nikoh – monarxiyaviy sulolalar a’zolari oʻrtasida asosan, siyosiy maqsadlar yoʻlida tuziladigan nikoh. Mas. Kastiliya taxti merosxoʻri Izabellaning Aragon valiahdi Ferdinand bilan nikohidan keyin yagona Ispaniya qirolligi vujudga kelgan.
Suprematiya (lot.yetakchilik, birinchilik) – dunyoviy hukmdorlarning cherkov ustidan oliy hokimiyati huquqi.
Svarog – qadimda sharqiy slavyan qabilalarida to xristianlik dini qabul qilingunga asosiy xudolar koʻrilsada, ammo ba’zi tadqiqotchilar olov ruhi sifatida koʻrsatishdi. Lekin momaqaldiroq, urush, yashin va temirchilik, xudosi deb qabul qilingan. Quyosh xudosi – dojbogning otasi.