A. R. Babajanov, A. M. Muqumov, Z. X. Xafizova yerdan foydalanishda integratsion boshqaruv

Birinchidan
, yer resurslarini qayta tiklashga vositalarni sarflash 
hamda qayta tiklash jarayonining o‘zini samaradorligi bilan bog‘liq. Masalan, qishloq 
xo‘jaligida tuproq unumdorligini qayta tiklash doimiy ravishdagi yoki tez-tez 
takrorlanib turadigan rang-barang turlardagi maxsus tadbirlarni o‘tkazishni talab 
qiladi. Bu esa yirik miqdordagi sarf-harajatlar bilan hamda samaradorlikni baholash 
zaruriyati bilan bog‘liq. Yangi yerlarni o‘zlashtirish ham yirik kapital mablag‘larni 
talab qiladi. Ishlab chiqarishning noqishloq xo‘jalik sohasida yerlarni qayta tiklash 
anchagina qisqa muddatli bo‘lsa-da, shunga qaramasdan yirik sarf-harajatlarni talab 
qiladi (kam qavatli binolarni buzib tashlash, avtomobil va temir yo‘llarni 
kengaytirish, kareralar natijasida buzilgan yerlarni rekultivatsiya qilish va boshq.). 
Ikkinchidan
, qayta tiklangan yer resurslarining miqdori ko‘p jihatdan qayta 
tiklangan yerning tiklanish darajasi va miqdoriga bog‘liq bo‘lgan iqtisodiy 
mahsulotni yangidan qayta ishlab chiqarish jarayonining potensial iqtisodiy asosi 
hisoblanadi (qishloq xo‘jaligida tuproqlar unumdorligini qayta tiklashning miqdoriy 
o‘lchamidan, ishlab chiqarishning noqishloq xo‘jalik sohasida-qayta tiklangan yer 
uchastkalari maydonining o‘lchamlaridan va ularni bo‘lg‘usi foydalanish 
xarakteridan). 
Yerdan foydalanishning 
rekreatsion qirrasi
alohida muhofaza qilinadigan 
hududlar, tabiatni muhofaza qilish, sog‘lomlashtirish, rekreatsion, tarixiy-madaniy 
mohiyatlardagi yerlardan foydalanish masalalarini o‘z ichiga oladi. Rekreatsion 
mohiyat aholini yoppasiga dam olishlari, madaniy-sog‘lomlashtirish va jamoat-o‘yin 
maqsadlarida yerlardan foydalanishni ko‘zda tutadi. Ulardan foydalanish ijtimoiy, 
iqtisodiy hamda ekologik samaradorlikni baravariga olish bilan bog‘liq. 
Yerdan foydalanishning