A. M. Karimova, D. M. Malikova pul va banklar

Mavzuni mustahkamlash uchun savollar:

1. 
   Tijorat banklarning resurslari deganda nimani tushunasiz?
   
2. 
   Bankning oʻz mablag’lar tarkibiga nimalar kiradi?
   
3. 
   Bankning jalb qilingan mablag’lar tarkibiga nimalar kiradi?
   
4. 
   Banklarning passiv operasiyalar haqida tushuncha bering.
   
5. 
   Bankning ustav kapitali deganda nimani tushunasiz?
   
6. 
   Tijorat banklarning qimmatbaho qog’ozlarni muomalaga chiqarishdan maqsad nimada?
   
7. 
   Jalb qilingan mablag’larni asosiy qismini qanday mablag’lar tashkil etadi?
   
8. 
   Banklar oʻz mablag’larini koʻpaytirishda qaysi usullardan foydalanadi?
   
9. 
   Aksiyadorlik jamiyati asosida tashkil qilingan tijorat banklari ustav fondini qanday yoʻllar bilan koʻpaytirishi mumkin?
   
10. 
    Banklar mijozlar mablag’laridan qaysi muddatga foydalanishni amalga oshirishdan manfaatdor?
    
11. 
    Tijorat banklari aktiv operasiyalari deganda nimani tushunasiz?
    
12. 
    Aktiv operasiyalarni tasniflang.
    
13. 
    Tijorat banklarga daromad keltiradigan va daromadgan keltirmaydigan aktivlarga tarif bering.
    
14. 
    Davlatning qimmatli qog’ozlari haqida gapirib bering.
    
15. 
    Banklarning investision operasiyalariga tarif bering.
    
16. 
    Lombard krediti deganda nimani tushunasiz?
    
17. 
    Overdraft hisobraqami deganda nimani tushunasiz?
    
18. 
    Overdraft hisobraqami kimlarga ochiladi?
    
19. 
    Kontokorrent hisobvarag’i boʻyicha mijozni kreditlashni tariflab bering.
    
20. 
    Xavf – xatar darajasiga koʻra aktivlar necha guruhga boʻlinadi?
    

18- mavzu. NOBANK MOLIYA - KREDIT MUASASALAR

§18.1. Nobank moliya kredit – muasasalar, ularning iqtisodiy
mohiyati.
Nobank moliy kredit muassasalari iqtisodiyoti rivojlangan mamlakatlarda bank tizimining, Markaziy bank va tijorat banklardan soʻngi uchinchi bosqichi boʻlib, banklarning monopol mavqeini yoʻqotib boradi.
Ikkinchi jahon urushidan keyingi davrda zamonaviy kredit tizimiga nobank moliya kredit muassasalar rolini oshishiga birqator sabablar, xususan, rivojlangan mamlakatlarda axoli daromadlarining oshib borishi, qimmatli qog‘zlardan foydalanishning faol rivojlanishi va ushbu muassasalar tomonidan banklar ta’minlamaydigan maxsus xizmatlarning tatbiq etilishi asos boʻldi.
Nobank moliya kredit muassasalari banklardan farqli oʻlaroq oʻziga xos xususiyatdagi moliyaviy operatsiyaalarni va xizmatlarni amalga oshiradilar. Bu muassasalar moliya - kredit kapitali bozorining nisbattan tor yoʻnalishlarida ustunlik qilib, koʻp sonli mijozlarga ega boʻlib, kredit va moliyaviy yordami operatsiyalarini amalga oshiradilar.
Nobank moliya kredit muassasalarining uzoq muddat davomida katta miqdordagi mablag‘larni toʻplay olish imkoniyatlari, ularni davlat idoralari bilan hamkorlik qilishga jozibador qiladi. Shu sababli, koʻpgina mamlakatlarda davlat iqtisodiyotini yetakchi tarmoqlarini moliyalashtirish, rivojlanmagan mintaqalarning rivojlantirish dasturlarini moliyalashtirishda ularning imkoniyatlaridan foydalanadi.
Nobank moliya kredit muassasalarning asosiy faoliyati yuridik va jismoniy shaxslarning mablag‘larini jalb etish, aksiyalar, obligatsiylar chiqarish, sug‘urta polislari sotish orqali mablag‘larni jamlaydilar. Iqtisodiyot va iqtisodiyotning birqator tarmoqlariga, koorporativ va davlat zayom kreditlari, uzoq muddatli ipoteka kreditlari, istemol kreditlari, oʻzaro iqtisodiy yordam berish boʻyicha xizmatlarni amalga oshiradilar.