A burxanov, O. Sattorqulov, G‗. Berdiyev, D. Eshpulatov mintaqaviy iqtisodiyot darslik

6-MAVZU. MINTAQADA SANOAT TARMOG‗INI 
RIVOJLANTIRISHNING HUDUDIY JIHATLARI 
Reja: 
6.1.Mintaqa iqtisodiyoti rivojlanishida sanoatning o‗rni
6.2.Mintaqada sanoat ishlab chiqarishning ijtimoiy ixtisoslashuvi 
6.3. 
Strategik 
ahamiyatga 
sanoat 
tarmoqlarini 
mintaqa 
iqtisodiyotdagi roli. Sanoat ishlab chiqarishini rivojlantirishning shart-
sharoitlari. 
Tayanch tushuncha va iboralar:
Sanoat, sanoat tarmog‗i, 
innovatsiyalar, mehnat unumdorligi, diversifikatsiya, ijtimoiy mehnat 
taqsimoti, 
kontsentratsiyalashtirish, 
mahalliylashtirish, 
sanoat 
koperatsiyasi, kombinatsiyalashtirish, mujassamlashtirish, ixtisoslashtirish, 
kooperativlashtirish, tog‗-kon sanoati, kimyo sanoati, e
nergetika, 
modernizatsiya, neft-gaz sanoati, oziq-ovqat sanoati. 
6.1.Mintaqa iqtisodiyoti rivojlanishida sanoatning o‗rni 
Sanoat har qanday mamlakatda iqtisodiy taraqqiyot va barqaror 
iqtisodiy o‗sishni ta‘minlashda hal qiluvchi o‗rin egallaydi. Uning 
ahamiyati nafaqat qishloq xo‗jaligi, transport, qurilish, savdo va 
iqtisodiyotning boshqa tarmoqlarini asosiy ishlab chiqarish vositalari bilan 
ta‘minlashida namoyon bo‗ladi, balki u innovatsiya jarayonlarini 
jadallashtirish, fan-texnika yutuqlarini ishlab chiqarishga joriy etish, 
shuningdek, fan, ishlab chiqarish hamda ta‘lim integratsiyasini 
ta‘minlashda ham muhim rol o‗ynaydi. Shu sababli O‗zbekiston 
Respublikasi Prezidenti Sh.M.Mirziyoev rahbarligida ishlab chiqilgan 
2017-2021-yillarda O‗zbekistonni yanada rivojlantirish bo‗yicha harakatlar 
strategiyasida «yuqori texnologiyali qayta ishlash tarmoqlarini, eng avvalo, 
mahalliy xomashyo resurslarini chuqur qayta ishlash asosida yuqori 
qo‗shimcha 
qiymatli 
tayyor 
mahsulot 
ishlab 
chiqarishni 
jadal 
rivojlantirishga qaratilgan sifat jihatidan yangi bosqichga o‗tkazish orqali 
sanoatni yanada modernizatsiya va diversifikatsiya qilish»
40
masalasiga 
alohida o‗rin berilgan.
40
2017-2021 yillarda O‗zbekiston Respublikasini rivojlantirishning beshta ustuvor yo‗nalishlari bo‗yicha harakatlar 
strategiyasi. http://strategy.regulation.gov.uz/uz/document/2 

---

157
Sanoat – bu har bir mamlakat iqtisodiyotining asosiy qismi 
hisoblanadi. «Brokgauz va Efronning ensiklopedik lug‗aviy manosidan» 
kelib chiqadigan bo‗lsak »sanoat» tushunchasi kengroq ma‘noda 
«insonning hunarmandchilikka yo‗naltirilgan, moddiy buyumlarni yaratish, 
o‗zgartirish yoki ko‗chirishga qaratilgan xo‗jalik faoliyati»ni, tor ma‘noda 
esa «biron bir xom ashyoni iste‘mol uchun yaroqli narsaga qayta ishlashni, 
aylantirishni» anglatadi. 
Sanoatning jamiyat ishlab chiqarishda mustaqil soha sifatida paydo 
bo‗lishi, tarixiy jihatdan qishloq xo‗jaligidan hunarmandchilikni ajralib 
chiqish jarayoni bilan bog‗liq. Bozor iqtisodiyotining rivojlanishi 
sanoatning jadal o‗sishiga va sanoat mahsulotlari ishlab chiqarishning 
tubdan o‗zgarishiga, oddiy kooperatsiyaning manufakturaga, keyin esa 
yirik mashina industriyasiga – fabrikalarga aylanishiga olib keldi. 
Iqtisodiyot uchun rivojlangan sanoat tarmog‗i katta ahamiyatga ega. 
Sanoat ishlab chiqarishining o‗sish sur‘atlari qanchalik ko‗p bo‗lsa, 
iqtisodiyotda o‗sish shunchalik yuqori bo‗ladi, mamlakat xilma xil va 
murakkab sanoat mahsulotlari ishlab chiqarishga qodir bo‗lsa, uning 
farovonlik darajasi va mamlakat iqtisodiyotining istiqboldagi rivojlanishi 
shunchalik yuqori bo‗ladi. Agarda rivojlangan mamlakatlarda sanoat 
tarmog‗i innovatsiyalarning joriy etilishini, mehnat unumdorligi va 
diversifikatsiyalangan eksportni oshishini ta‘minlab bersa, rivojlanayotgan 
mamlakatlarda - turmush darajasining oshishiga yo‗l ochib berilishini 
ta‘minlaydi. 
Zamonaviy sanoat tarmog‗i yuqori ixtisoslanganlik darajasi bilan 
ajralib turadi. Mehnatning ijtimoiy chuqur taqsimlanishi natijasida 
sanoatning tarkibiy qismini tashkil etuvchi ko‗plab sohalari paydo bo‗ladi. 
Iqtisodiy faoliyat turlari bo‗yicha sanoat tarmog‗i quyidagi turlarga 
bo‗linadi: 
- tog‗-kon sanoati va ochiq konlarni ishlash; 
- qayta ishlash sanoati (ishlab chiqaradigan sanoat); 
- elektr, gaz, bug‗ bilan ta‘minlash va havoni konditsiyalash; 
- suv bilan ta‘minlash, kanalizatsiya tizimi, chiqindilarni yig‗ish va 
utilizatsiya qilish. 
Tog‗-kon sanoati va ochiq konlarni ishlash sanoati ko‗mir, lignit, neft, 
tabiiy gaz, metall rudalarini qazib olish va tog‗-kon sanoatining boshqa 
turlari bilan shug‗ullanadigan korxonalar faoliyatini o‗z ichiga oladi. 

---

158
Qayta ishlash sanoatiga oziq-ovqat mahsulotlari, ichimliklar, tamaki, 
to‗qimachilik, rezina va plastmassa mahsulotlari, kiyim-kechak, charm va 
kimyoviy mahsulotlar, asosiy farmatsevtika mahsulotlari va dori 
darmonlar, koks va neftni qayta ishlash mahsulotlari, yog‗och va po‗kak 
buyumlar, pohol va to‗qish uchun materiallar, qog‗oz va qog‗oz 
mahsulotlari, mebel, boshqa noruda mineral mahsulotlar, mashina va 
uskunalarni ishlab chiqarish, ta‘mirlash va o‗rnatish, avtotransport 
vositalari, treylerlar, yarim pritseplar va boshqa tayyor metall buyumlar, 
yozilgan materiallarni nashr qilish va aks ettirish, qora va rangli metallar va 
ulardan buyumlar ishlab chiqarish bilan shug‗ullanuvchi korxonalar 
kiritiladi. 
Elektr, gaz, bug‗ bilan ta‘minlash va havoni konditsiyalash korxonalari 
elektr energiya, bug‗, gazsimon yoqilg‗ini ishlab chiqarish, yetkazib berish, 
tarqatishni ta‘minlaydi. 
Suv bilan ta‘minlash, kanalizatsiya tizimi, chiqindilarni yig‗ish va 
utilizatsiya qilish korxonalari suvni qayta ishlash (tozalash), suv bilan 
ta‘minlash, oqova suvlarini tozalash, transportirovka qilish va 
tozalash, chiqindi tashlaydigan o‗ralarni tozalash va ishlov berish, 
chiqindilarni yig‗ish, tozalash va utilizatsiya qilish, rekultivatsiya qilish 
xizmatlarini ko‗rsatish bilan shug‗ullanadilar. 
Dunyoda qayta ishlash sanoati mamlakat iqtisodiyotini rivojlantirish 
uchun muhim va ahamiyatga ega tarmoq sifatida qaraladi. Sanoatning 
kuchli qayta ishlash sektori mamlakatning texnologik qudratini ifodalaydi. 
Uning kamayishi yoki qisqarishi iqtisodiyotning pasayishi belgisi sifatida 
qaraladi. Bu esa, o‗z navbatida qayta ishlash sanoatining muhim tarmoq 
ekanligini va ahamiyatliligini ifodalaydi. 
Qayta ishlash sanoatining ustuvor yo‗nalish sifatida namoyon bo‗lishi, 
Germaniyada XVI asr o‗rtalariga to‗g‗ri keladi, ya‘ni nemislarning 
iqtisodiy fikrlashi faol rivojlanib borishi bilan sodir bo‗ladi. Uning 
negizida, millatning intellektual rivojlanishi muhimligi to‗g‗risida 
gapirgan F.L. Zekendorf ta‘limoti yotadi. Uning fikricha, mamlakatning 
iqtisodiy rivojlanishini faqatgina odamlarning intellektual rivojlantirish 
evaziga ta‘minlash mumkin, shuning uchun hukumat nafaqat ularni 
boshqarishi lozim, balki intellektual salohiyatini rivojlantirishi zarur. 
Shu bilan birga, 1581 yilda J. Xeyls inglizlarning XVI asrdagi iqtisodiy 
siyosatini tanqid qilib, «o‗z xom-ashyomizni begonalarga qayta ishlash 
uchun yuborib, undan tayyorlangan mahsulotni begonalardan qaytib sotib 

---

159
olishga yo‗l qo‗yish»ga katta aqil kerak emasligi to‗g‗risida yozgan 
(E.S.Reynertning «Qanday boy davlatlar boy bo‗lgan va kambag‗al 
mamlakatlar kambag‗alligicha qolmoqda»dan tekst parchasi, M., 2011 
yil). Undan keyin ingliz iqtisodchisi J.Keri umuman mamlakatdan xom-
ashyo tovarlarini eksport qilishga o‗lim jazosini joriy etilishini taklif 
qilgan. 
A.Smitdan oldin ijod qilgan aksariyat iqtisodchilar mamlakatning 
iqtisodiy siyosati, xom-ashyo sanoatiga emas, birinchi navbatda qayta 
ishlash 
sanoatini 
rivojlantirishga 
qaratilgan 
bo‗lishi 
zarurligini 
ishontirishga yo‗naltirilgan. Ularning fikricha faqatgina qayta ishlash 
sanoatining rivojlanishi dolzarb muammolarning yyechimi hisoblanadi, 
misol uchun aholi bandligining oshishi, foyda va ish xaqining ko‗payishi, 
soliq solinadigan bazaning oshib ketishi va pul muomalasining 
yaxshilanishi kabi masalalarni ko‗rsatish mumkin. 
Bugungi kunda respublikada 49 mingdan ziyod sanoat korxonalari 
faoliyat ko‗rsatayotgan bo‗lib, ulardan tog‗-kon sanoati va ochiq konlarni 
ishlashda – 3,1 %, qayta ishlash sanoatida – 94,4 %, elektr, gaz, bug‗ bilan 
ta‘minlash va havoni konditsiyalashda – 0,7 %, suv bilan ta‘minlash, 
kanalizatsiya tizimi, chiqindilarni yig‗ish va utilizatsiya qilishda – 1,8% 
korxonalardir. 
Shu bilan birga, 2017 yil yanvar-dekabr oylari holatiga sanoat ishlab 
chiqarish hajmi tarkibi boshqacharoq ko‗rinishga ega, ya‘ni tog‗-kon 
sanoati va ochiq konlarni ishlash tarmog‗ining jami sanoat ishlab 
chiqarishdagi hissasi – 12,7%, qayta ishlash sanoatining hissasi – 
78,1, elektr, gaz, bug‗ bilan ta‘minlash va havoni konditsiyalashning 
hissasi – 8,4 hamda suv bilan ta‘minlash, kanalizatsiya tizimi, 
chiqindilarni yig‗ish va utilizatsiya qilishning hissasi – 0,8%. 

---

160