9-Тема. МийНет жәМәәТЛерин жобаластырыў ҳәм БасҚАРыў

Маркалы өним. Олар өнимниң қымбатын күшейтиреди, оны уқсас товарлар ишинен ажыратады, тутыныўшылар ушын пайдалылығын көрсетеди, нәтийжели сатылыўын тәмийинлейди ҳ.т.б. Товарға марка атын бериў реал үстинликлерге ийе болыў имканиятлары ҳәм оларға ерисиў қәрежетлерин баҳалаў менен байланыслы. Бул шәртлердиң орынланыўын тәмийинлеўши тийкарғы компонентлер төмендегилер:
1. Товардың турақлы сыпаты. Оның ең жоқары болыўы шәрт емес, бирақ ол жетерли дәрежеде жақсы ҳәм тийкарғы - ислеп шыгарылыўы ҳәм сатыў орны ўақтына қарамастан (қатьи назар) турақлы болыўы керек.
2. Транспортировка, сатыў ҳәм сервис шәртлери өзгермегенде товардың турақлы бахасының сақлап қалыныўы.
3. Товарды барлық орынларда (базардың белгиленген сегментлары шегарасында) аңсат ҳәм қосымша талапларсыз сатып алыў имканияты.
4. Реклама ямаса басқа информациялар негизинде сатып алыўға алдыннан келисиў имканияты (почта, телефон буйыртпасы ҳ.т.б.арқалы сатып алыў).
Маркали товар товарлардың улыўма массасы арасында анық көринеди, тутыныўшылар аңында ол ижобий тасаввурга ийе. Оның белгиси - фирма товар белгиси. Марка сиясатын әмелге асырыў марка атын таңлаў, марканинг базар күшини анықлаў, марка стратегиясын ислеп шыгыў менен байланыслы. Марканинг аты, дәслеп, товардың қәсийети, тийкарғы сыпатын сәўлелентириўши ҳ.т.б. белгилениўине туўры келмеслиги керек. Соның менен бирге төмендеги талапларға жуўап бериўи керек: қысқа, айтылыўы аңсат ҳәм есте қалатуғын болыўы керек. Маркетингтиң ўазыйпасы кәрxананың товар маркасына қарағанда тутыныўшылардың xолислигини қәлиплестириўден ибарат. Бул процесс дүнья жүзи тәжирийбесинде «брендинг» деген атты алған. Базарда аты ҳәм сүўрети пайда болса - бул марка, тутыныўшыларда өним, оның аты, сүўретине қарағанда қатнасы қәлиплессе - бул бренд дейиледи.
Товарды жаратыў, ислеп шығарыў, беккемлеў, сатыў, сатылғаннан кейинги xызмет көрсетиўи, реклама кешелерин ислеп шығыў, товар ислеп шығарыўшының бир пүтин хызметинде орайлық орынды ийелейди. Усы комплекс кешелер товар сиясаты деп аталады.