8-mavzu. Tovar va tovar siyosati

Sotiladigan tovarlarga qo’yiladigan talablar quyidagicha ta’riflanishi mumkin:

• talabning mavjudligi va sotishning qulay sharoitlari;
• xaridorlarning ehtiyojlarini qondirish va o’xshash tovarlarga nisbatan qo’shimcha ijobiy xususiyatlarga ega bo’lish, ya’ni raqobatbardosh bo’lish;
• xavfsizlik, ishonchlilik, sifatlilik;
• reklama, tovar va uni ishlab chiqaruvchilar haqidagi axborot, savdo markasi, marketing tayyorgarligining mavjudligi;
• bozor uchun yangiligi;
• iste’molchiga to’g’ri keladigan narx (narxning pastligi; xaridor tovardan olmoqchi bo’lgan natija; to’lanadigan narx evaziga oladigan sifat darajasi);

• modelning mashhurligi va tovar ishlab chiqaruvchilarning obro’si;
• g’irrom raqobatdan va kelishilmagan takror ishlab chiqarishdan himoyalanganligi;
• savdo (sotish) tarmog’ining mavjudligi, ochiqligi;
• servis xizmat ko’rsatish va kafolatlar, almashtirishning osonligi.

Bu asosiy talablarga rioya qilish bozorga chiqariladigan tovarning uzoq vaqt davomida talab bilan ta’minlanishi uchun sharoit yaratadi.

2.Brendlash strategiyasi: Kuchli brendlar yaratish.

Brend bu nom, termin,belgi, simvol, dizayn yoki shularning aralashmasi bo’lib, u tovarni ishlab chiqaruvchi yoki sotuvchini tanitib turadi.

Professional marketologning eng muhim qobiliyati bu brendlarni yaratish va boshqarishdir. Brend bu nom, termin,belgi, simvol, dizayn yoki shularning miksi bo’lib, u tovarni ishlab chiqaruvchi yoki sotuvchini tanitib turadi. Xaridorlar brendni tovarning muhim qismi deb hisoblaydilar va shu sababli brendlash tovar qiymatini oshirishi mumkin. Mijozlar brendga ma’lum mazmunni bog’laydilar va brend munosabatlarini yaratadilar. Natijada, brendlar tovarning moddiy xususiyatlaridan ancha kengroq mazmunga ega bo’ladi.

Brendlash bugungi kunda shunchalik kuchayib ketdiki, deyarli hech qanday tovar brendlanmay qolmaydi. Brendlar shunchaki nom va belgilardan ko`ra ko`proq narsalardir. Ular kompaniyaning xaridorlar bilan muomalasidagi asosiy elementlardir. Brendlar xaridorlarning xizmat yoki mahsulotga bo`lgan xislari va qarashlarini o`zida mujassam etadi. Bir so`z bilan aytganda, brendlar xaridorlarning fikrida turadi. Xurmatga sazovor bo`lgan bir marketolog shunday degan edi: “mahsulotlar zavodlarda ishlab chiqariladi lekin, brendlar odamlarning ongida yaratiladi”.