8-mavzu innovatsiyalarning sohalar bo`yicha turlari reja

12.1-jadval
Innovatsion rivojlanish samaradorligi ko’rsatkichlarini o’zgarishi¹⁰

Ko’rsatkichlar	2014	20015	2016	2017
Mehnat unumdorligining o’sish sur’atlari, o’tgan yilga nisbatan %da	97,2	99,0	105,6	105,6
Mashina va asbob-uskunalarning eskirish darajasi, %	52,7	52,4	50,9	50,5
Asosiy vositalarning yangilanish darajasi, %	17,1	12,6	18,9	12,9
Mashina va asbob-uskunalarni yangilanish muddati, yil	7,0	11,0	7,0	9,0
Mashina va asbob-uskunalarni chiqib ketish darajasi, %	1,1	3,2	6,3	2,8

Olimlarning umumiy fikricha, milliy innovatsiya tizimini milliy chegaralar doirasida ilmiy bilimlar va texnologiyalarni ishlab chiqish va kommertsiyalash bilan mashg’ul, maqsad-vazifalari turlicha bo’lgan tuzilmalarning, jumladan, davlat idoralarining integratsiyasi jarayoni va natijasi sifatida e’tirof etish joiz. Ular mustahkam milliy ildizlarga, an’analarga, siyosiy va madaniy xususiyatlarga ega institutlar majmuasi bilan ta’minlanadi (E.Kondrat’eva). G.Gol’dshteynning qayd etishicha, samarali milliy innovatsiya tizimini yaratishning muhim sharti davlat undan asosiy manfaatdor bo’lishiga, innovatsion faoliyatning ustuvor yo’nalishlarini har yili belgilashi va zarur resurslar bilan ta’minlashiga bog’liqdir.

Bugun har bir mamlakat ilg’or iqtisodiyot nazariyasiga asoslangan o’z milliy innovatsiya tizimini yaratishga intilmoqda. Biz bir necha rivojlangan va rivojlanayotgan davlatlarning muvaffaqiyatli va kutilgan natijani bermagan tajribasini tahlil qildik. Pirovardida har qaysi mamlakatda bu tizimni rivojlantirish strategiyasi amaldagi davlat makroiqtisodiy siyosati, me’yoriy-huquqiy qonunchilik, to’g’ridan-to’g’ri va bevosita davlat boshqaruvi shakllari, ilmiy-texnologik va sanoat salohiyati, ichki tovar va mehnat bozorining holati, tarixiy-madaniy rivojlanish darajasi bilan uyg’unlikda belgilanganini aniqladik.