8-mavzu innovatsiyalarning sohalar bo`yicha turlari reja

2. Marketing innovatsiyalari

In­novatsiyaviy jarayon samaradorligini oshirishda esa boshlang’ich marke­ting tadqiqotlari va bozor tahlili ayniqsa muhim hisoblanadi. Innovatsiyalarni boshqarish ilmiy-texnik g’oya shakllanishidan tortib uni tijorat asosida amalga oshirilishigacha bo’lgan barcha qadamlar (boshqaruv tsikllari) yig’indisini qamrab oladi. Har bir yangilik g’oyasi yaratilishidan uni amalga oshirilishigacha bo’lgan vaqt davri innovatsiyaviy tsikl deb ataladi. Innovatsiyaviy jarayonlar amalga oshirishning samardorligi ko’pgina omillarga bog’liq bo’ladi: boshqaruv sifati va to’liqligi; boshqaruv tizimidagi har bir alohida bo’g’in ishining o’zaro muvofiqligi, axborot-uslubiy ta’minoti va hokazolar shular jumlasidandir. Inno­vatsiyalarni boshqarish tizimining yuqorida qayd etilgan barcha elementlari faoliyati to’liq o’zaro muvofiqlashtirilgandagina, ushbu jarayon butunligi va uzluksizligi, ilmiy-texnik natijalarga ega bo’lishi va ularni o’zlashtirish muddatlarini qisqarishi ta’minlanishi mumkin. Innovatsiyaviy faoliyat boshqaruvini tashkil etish, boshqaruv jarayonining barcha elementlarini yagona tizimga birlashtiradi va u innovatsiyani yaratish va amalga oshirishda, ya’ni innovatsiyaviy jarayonning o’zida shakllana boshlashi lozim. Korxonada innovatsiyaviy faoliyatni boshqarishning samarali tizimlarini yaratish va rivojlantirish imkoniyati ko’pgina omillarga bog’liq bo’lib, ishlab chiqarishning shakllangan darajasi, boshqaruv tizimi va mexanizmining ahvoli, boshqaruv tashkiliy tuzilmasining turi va yo’naltirilganligi, xo’jalik va innovatsiyaviy siyosat tendentsiyalari va boshqalar shular jumlasidandir.
Marketing innovatsiyalari deganda yangi yoki sezilarli yaxshilangan marketing uslublarini joriy etish tushuniladi. Bular o`z ichiga:
- mahsulotlarning dizayni va qadoqlanishida jiddiy o`zgartirishlar;
- mahsulotlarni sotish va taqdimoti bo`yicha, shuningdek ularni bozorlarga tanitish va olg`a siljitish bo`yicha yangi uslublardan foydalanish;
- yangi narx strategiyalarini shakllantirishni oladi (8.2-rasm).