7мавзу. Ташкилотда менежернинг хулқи

7мавзу. Ташкилотда менежернинг хулқи
Режа :
1. “Менежер” тушунчаси, менежерларнинг даражалари, мавқелари, менежерлар бажарадиган вазифалар, менежерга қўйиладиган талаблар, унинг ўз касбини мукаммал билиши
2.Менежернинг етакчилиги
3. Менежернинг услуби ва имижи
4. Ишдаги хулқ- аҳлоқи ва этикаси
5. Менежернинг таъсири ва ҳуқуқ доираси
6. Менежер ва мулкдорнинг аҳлоқи
7.1. Менежерлар: тушунча, вазифалари, хислати
Менежер (инг. manager, manage-бошқариш)-бошқарувчилик лавозимини эгаллайдиган ва ташкилот фаолиятининг муайян турлари бўйича қарор қабул қилиш ваколатига эга бўлган шахс.
“Менежер” атамаси жуда кенг маънода ишлатиладиган сўз:
- алоҳида бўлинма ёки мақсадли дастур гуруҳи доирасидаги ишларнинг аниқ тури ташкилотчисига;
- корхона ёки унинг бўлинмаси (бошқармаси, бўлими) раҳбарига;
- қўл остидаги ходимларнинг раҳбарига;
- ишни ташкил қилувчи ҳар қандай даражадаги маъмурга;
- муайян соҳадаги ташкилотчи ишбилармонга;
-фирмада ижрочилик ҳуқуқи бўлган ва топширилган вазифани амалга оширадиган раҳбарият аъзосига нисбатан қўлланилади.
Хуллас, менежерлар ташкилотда турли мавқеда бўлади, уларнинг фаолият соҳалари жуда кенг. Ташкилот менежерларсиз ишлай олмайди, чунки улар қуйидаги фаолият соҳаларини бажарадилар:
- ташкилотда айрим операциялар ўртасида алоқа ўрнатадилар;
- ташкилотнинг асосий вазифаси бажарилишини таъминлайдилар;
- ташкилот ёки бўлинма жамоасига раҳбарлик қиладилар;
- обрў-эьтибори, билимдонлиги ва хукмдорлиги туфайли ходимларини ўзига эргаштирувчи йўлбошчи бўладилар;
- ташкилот фаолиятининг стратегия ва тактикасини ишлаб чиқадилар ва амалга оширадилар;
- ташкилот ёки бўлинма фаолияти натижалари учун масъул бўладилар;
-ташкилот эгаси бўлган субъектларнинг манфаатларини таъминлайдилар;