7мавзу. Ташкилотда менежернинг хулқи

Eтакчи бўлиш санъати
Eтакчи локомотивга ўхшайди, у изидан бошқаларни эргаштиради. Унинг орқасидан кетаётган ҳар бир кишининг ўз мақсади, ўз оғирлиги бор. Аммо улар битта йўлдан борадилар. Тадбиркор — етакчи — профессионал. Етакчи охиригача боради. У ўз ғоясини, мақсадини, унга қандай етиб боришини билади. Етакчи фақат узоқдаги мақсадни эмас, балки оралиқ зинапояларни ҳам кўради. Ҳар бир босқичда кишиларни қандай мукофотлаш керак? Бу ҳам етакчининг вазифаси. Йетакчи бўлиш учун режалаштириш, таваккал қилиш, одамларни жалб қилишни ўрганиш керак, ва ҳар қандай вазиятда ҳам алдамаслик керак.
Кичкина нарсадан бошланг. Олдиндан эришиш маълум бўлган энг кичик мақсадни танланг ва унга эришинг. Кейин навбатдаги мақсадларга эришишга ҳаракат қилинг, Сизга омад кулади, Сизга ва Сизнинг ишингизга ишонадилар.
7.3. Менежернинг фаолият услуби ва имижи
Бошқарув услуби - вазифаларни ҳал этишнинг раҳбар томонидан фойдаланиладиган ўзига хос барқарор усуллар йиғиндисидан, унинг қўл остидагилар ва бошқа ходимларга нисбатан муносабатидан иборат. Бошқарув
услуби жамоа ва корхона (бўлинма) фаолиятининг самарадорлигига катта таъсир ўтказади.
Маълум шароитда бошқарувнинг аниқ-равшан услубини объектив ва субъектив тусдаги омиллар белгилайди. Бу омиллар қуйидагича:
- корхона фаолияти ва мақсадининг характери;
- жамоанинг ишлаш шароитлари;
- жамоанинг миқёси ва тузилмаси;
- раҳбарнинг ўзига хос фазилатлари, тайёргарлиги ва тажрибаси;
- меҳнат жамоаси аъзоларининг касб-кор тайёргарлиги ва онглилик савияси;
- меҳнат жамоасининг етуклик ва жипслик даражаси
Раҳбарлик услуби турлари.
Раҳбарлик услуби белгиси ва бўйисинувчиларга нисбатан муносабатга қараб барча раҳбарларни қуйидаги уч турга бўлиш мумкин:

• Автократик раҳбарлар:
• буйруқ чиқариш, қарор қабул қилиш, ходимларга жазо бериш ёки рағбатлантиришда жамоа фикирини ҳисобга олмайди;
• ўзини жамоадан узоқ тутади; жамоа аъзоларини бевосита мулоқатда бўлишини чегаралаб қўяди;
• ўзининг ноўрин ҳаракатларининг танқид қилинишига чидай олмайди;
• ўзига бўйсинувчиларнинг ҳаракатларини кескин равишда танқид қилишни яхши кўради;
• муттасил буйруқ беришга, ҳаммани ўз истакларига сўзсиз бўисиндиришга интилади;

• кўп гапиришни ёқтирмайди, лекин бўисинувчилари билан муомилада бўлганда унинг раҳбарлик ғурури баландлиги, узини катта тутиш сезилиб туради;
• ўзига бўисйнувчилари олдида қовоғи солинган кайфиятда бўлади.