6 Laboratoriya ishi Mavzu Atom-absorbsion spektrometr yordamida oqova suv tarkibidagi og’ir metallarni aniqlash

Alanga atomizatorlik AI 1200 AAS yordamida tuproq namunasidagi misning miqdorini aniqlash.
Ushbu laboratoriya ishida alangalik AI 1200 spektrometr bilan tuproq namunasi tarkibidagi misning miqdori aniqlanadi. Laboratoriya ishining bayoni ikki qismdan iborat. Birinchi qismda AI 1200 spektrometrni ishga tayyorlash va o’lchash ishlarini bajarish bo’yicha qilinadigan ishlarning ketma–ketligi, ikkinchi qismda esa standart eritmalar va namuna tayyorlash usuli bayon qilingan.


Birinchi qism. Asbobni ishga tayyorlash. Inisializasiya
Birinchi navbatda asbob old qismining pastki o’ng burchagidagi qizil tugmani bosib spektrometrni yoqing. Bu vaqtda inisiallash jarayoni boshlanadi. Bu jarayon taqriban 2 minut davom etadi. Inisiallash oxiriga yetmaguncha asbobning kompyuter dasturini ishga tushirmang. Lampalar o’rnatiladigan disk va monoxromatorning tegishli qismlari harakatlanishdan to’xtagandan so’ng, inisiallash tugagan bo’ladi. Endi kompyuterning ish stolida turgan “AI 1200” ikonkani ikki marta bosib asbobni boshqaradigan dasturni ishga tushirish mumkin.
Dastur ishga tushirilgach kompyuterga ulangan asboblarni (spektrometr va avtosempler) aniqlashga harakat qiladi. Dastur kompyuterga ulangan asbobni topaolmasa, shu asbob nomining qarshisida qizil krest paydo bo’ladi.
Kompyuterga ulangan asboblarni aniqlash bajarilgandan so’ng «continue» (davom ettirish) tugma paydo bo’ladi.
Dastur, kompyuterga ulangan asboblarni aniqlagandan va «continue» tugmani bosgandan keyin uning xotirasida saqlangan kattaliklarni hisoblay boshlaydi va asbobni ishga tayyorlaydi (asbobning boshlang’ich holatini o’rnatadi). Ushbu jarayon tugagandan keyin monitorda asbobning holatini ko’rsatuvchi oyna (1-rasm) paydo bo’ladi.

1-rasm. Dasturning asosiy oynasi
Asbobning holatini ko’rsatuvchi oyna o’rnatilgan atomizatorga qarab har xil ko’rinishga ega bo’lishi mumkin. Asbobning holatini ko’rsatuvchi oynada spektrometrning hamma ishchi kattaliklarini ko’rishingiz va o’zgartirishingiz mumkin.