6 Laboratoriya ishi Mavzu Atom-absorbsion spektrometr yordamida oqova suv tarkibidagi og’ir metallarni aniqlash

Eslatma: Namunalarni kiritish jadvalidan faqat o’lchanmagan namunalarni chiqarib tashlash mumkin.



16-rasm. Namunalarni qo’shish oynasi. Ushbu oyna namunalar partiyasini kiritish oynasining (13-rasm) yuqori qatoridagi S piktogrammalik tugmani bosish orqali ochiladi
«Add Samples» (namunalarni qo’shish) oynada (16-rasm) operator namuna haqidagi muhim ma’lumotlarni kiritishi lozim. Bu ma’lumotlarga quyidagilar kiradi:
Sample name: Namunaning operator tomonidan kiritilgan nomi.
Rack: Namuna joylashgan massiv.
Count of Samples: Namunalarning soni. Ajratib olishni osonlashtirish uchun har bir namunaga tartib raqam beriladi. Masalan: nomi: Sample 1, Soni: 4. Jadvalga 4 ta namunaning nomi qo’shiladi: «Sample 1-1», «Sample 1-2», «Sample 1-3» va «Sample 1-4».
Hatto namunaning nomeri ko’rsatilmagan bo’lsa, ham namunaning ro’yxatdagi (jadvaldagi) tartib raqami namunaning nomiga qo’shiladi.
Weight: Yacheykadagi namunaning massasi. Ushbu qiymat ma’lumot uchun dastur tomonidan ishlatilmaydi.
Dilution:Namunani suyultirish koeffisiyenti. Oynaning Dilution qatoriga yozilgan suyultirish koeffisiyentiga muvofiq avtosempler namunani suyultiradi. Agar qator bo’sh qoldirilsa namuna suyultirilmaydi. Kiritiladigan qiymat 1 dan katta bo’lishi kerak.
Cup: Massivdagi yacheykaning joyi. Karrali tanlash uchun har bir keyingi namunaning o’rni 1 taga ko’payadi. Masalan, agar Sample 1 1:1 yacheykada bo’lsa, Sample 2 namuna 1:2 yacheykada va Sample 3 1:3 yacheykada bo’ladi.
Units: Konsentrasiyaning o’lchov birliklari (g/L, mg/L yoki ppb).