6 Laboratoriya ishi Mavzu Atom-absorbsion spektrometr yordamida oqova suv tarkibidagi og’ir metallarni aniqlash

Asetilen oqimining tezligini va gorelkaning holatini optimallashtirish.
Asbobning sezgirligini maksimal darajaga yetkazish, xalaqitlarni esa minimal darajagacha kamaytirish uchun alanga hosil qiluvchi gazlar oqimlarining tezligi, gorelkaning holati, lampaning toki va tirqish orqali spektr polosasini o’tkazish optimallashtirilishi kerak. Gaz oqimlari har bir element uchun optimallashtirilishi kerak. Har bir element uchun tirqishning optimal kengligi har xil va u elementning nurlanish (emissiya, chiqarish) spektriga bog’liq.
Asetilen oqimining tezligini va gorelkaning holatini optimallashtirish asbobning «Method» oynasida (3-rasm) amalga oshiriladi.
Optik zichligi 0,2 – 0,6 oraliqda bo’lgan mis eritmasini tayyorlang (hajmiy konsentrasiyasi 1% bo’lgan azot kislota eritmasida). Buning uchun konsentrasiyasi 2 mkg/ml eritma bemalol yetadi.
Namuna tashiydigan kapilyar shlangni 1% hajmiy konsentrasiyalik azot kislotaga (blank) tushiring. Energiya hisoblagichning kengaytirilgan oynasini oching (7-rasm). Buning uchun asosiy oynaning yuqori o’ng burchagidagi displeyning o’ng tomonidagi miltillab turadigan qizil-sariq to’rtburchakni kursor bilan bosing.

7-rasm. Energiya hisoblagichning kengaygan oynasi

«Corr 0» tugmani bosing va «Abs» ning qarshisiga blankning optik zichligini 0,00 deb yozing.

Kapilyar shlangni, ya’ni zondni mis eritmasiga tushiring. Mis eritmasi optik zichligining o’zgarishiga qarab, gorelkani gorizontal yo’nalishda siljitadigan maxovik yordamida gorelkaning holatini to’g’rilab uni optik zichlik maksimal bo’lgan holatga o’rnating.
Endi gorelkani vertikal yo’nalishda siljitadigan maxovik yordamida vertikal holatini to’g’rilash mumkin. Odatda gorelkani vertikal holatga to’g’rilash dastlabki sozlash vaqtida bajarilgan bo’ladi.
Gorelkaning richagini asta sekin chapdan o’ngga va o’ngdan chapga siljiting. Siljitish vaqtida optik zichlikning o’zgarishini kuzating. Gorelkani mis eritmasining optik zichligi maksimal bo’lgan vertikal holatga o’rnating.
Asetilen oqimining tezligini o’zgartiring. Oqim tezligini o’zgartirgandan so’ng har safar optik zichlikni o’lchang. Mis eritmasining optik zichligi eng katta bo’lgan oqim tezligini tanlang.
Endi tayyorlangan namunalarni bitta bittalab yoki birdaniga birnechtasini analiz qilish mumkin.